Aposel 3:14 - Aria New Testament

¹⁴ E dau umepli iye e ila elio kene gesa vri ke iye kovok. Iye tona ila elio keniye itau lokono vala. E dau umepmi Pailat ma iye songon gute gesa ka due burwa ma iye la e umawaiki Yesus mete.

Aposel 3:14 ပူးပေါင်းရင်းမြစ်များ

Matyu 27:20

E osep loulou ina ka omba e osep namormor tisruk osep aitno lisak ma tiwai tiwaiki iye songon Barabas la e iye mluk Yesus ma iye mete.

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Mak 15:11

E osep loulou ina ka omba tisruk osep aitno lisak ma tipmi Pailat ma iye songon Yesus kovok e ma iye songon Barabas vala.

Mak 15:7

Alo ari gute gesa ka angaine Barabas dong ke kalabus. Iye dong ine kesua oglou iye gosok sisrok tidue ola ke osep gavman ina e osep gavman ina leklou timete ine.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 23:25

E iye songon gute ka dong ke kalabus kesua iye sruk osep aitno lisak ma tidue evlei ke gavman e iye due burwa ke gute gesa. Iye gute ka osep tiwaiki Pailot songon iye la. E Pailot vai Yesus ke osep ola ina ma tididi wan ka osep tiwaiki tidue.

Jon 16:10

E ma iye nis isak malak ke elio ka osuk e itau kesua ngala ke Livou e ma umavati ngong blang kovok.

Jon 18:40

Deka tidaiku langane. “Aurou. Omsongon gute are kovok. Imawaiki omsongon gute Barabas.” E gute Barabas iye gute panakongon ina.

Aposel 13:28

Osep tisin elio vri ke iye e sinngen elio kene gesa vri ke iye kovok. Lama ila elio vri ke iye kovok isak dau tipmi Pailat ma iye palongo osep leklou ma tidue burwa ke iye.

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.

Aposel 5:28

“Oglou imadangdang umu ma umanapapra osep ke Yesus kovok e eknikane talapmu klingen limem pelengon kovok. Umanapapra pula ine deka osep Jerusalem ina pula tiklingen ine. Ina lange umodue elio langane? Umawaiki osep pula aitno lisak mter gute tonari ina metengen batne dong ke imi? Aitno lumu langane i?”

Aposel 7:52

Oglou lumu seia tidue agegeng ke osep napaprangan ina keniye. Tidue burwa ke osep tonari ka oglou tinapapra ke isak ke gute ka ila elio itau lokono ka ma me. Mase gute tonari me ke umu e umalai iye ina e umodue burwa ke iye.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Jems 5:6

Umomulu osep ka tidue elio itau vala e umodue burwa ke isak. E tikaranga tidangdang umu ine kovok.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.