Aposel 3:13 - Aria New Testament

¹³ “Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 3:13 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 22:32

Iye wai langane. ‘Ngong Upu Tapolngon ka Abraham e Aisak e Jekop tilotuim ngong.’ Iye osep ka timete Inarak Tapol-ngon kovok. Aurou. Iye osep ka tidong Inarak Tapolngon.”

Matyu 27:2

E tipou limla e tipaur iye la e tikar iye ke gute Pailat ka iye vri mgo ke osep Rom ina ke omur are.

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Mak 15:11

E osep loulou ina ka omba tisruk osep aitno lisak ma tipmi Pailat ma iye songon Yesus kovok e ma iye songon Barabas vala.

Luk 22:57

E Pita koli wai ke iye langane. “Apmang ngaile gute tonari kovok.”

Luk 23:4

Deka Pailot wai ke osep loulou ina ka omba e osep pula pula langane. “Ngaklingen lumu pelengon e aitno lungong mter lumu sinngen elio ke gute ane batne dong kovok.”

Luk 6:37

“Umawade osep leklou urok elio kovok deka Ida Tapolngon ma wade lumu elio kovok blang. Umomulu osep leklou kovok deka Ida Tapolngon ma mulu umu kovok blang. Umasak osep urok elio soulu ka tidue ke umu deka Ida Tapolngon ma sak lumu elio soulu blang.

Jon 12:16

E alo ari Yesus ila disaipel tile itau ke wan ka polou ke iye kovok. E mase alo ka Ida Tapolngon due Yesus poga tito ke ina denga e due dong itau lokono kap iye deka aitno lisak mter itau ke Ida Tapolngon ila pelengon tonari lana ine ka la ke Yesus. E amtarsak sisir wan ka osep tidue ke iye.

Jon 18:40

Deka tidaiku langane. “Aurou. Omsongon gute are kovok. Imawaiki omsongon gute Barabas.” E gute Barabas iye gute panakongon ina.

Jon 19:11

Deka Yesus koli wai ke iye langane. “Langka Ida Tapolngon kar arit ke wom kovok amkaranga omdue elio gesa ke ngong kovok. E ke batne langane gute ka kar ngong ke wom ila elio epmes ina omba e mole lem elio epmes ina.”

Jon 19:12

Pailat klingen pelengon ane deka iye krim ekreng ma iye karanga songon Yesus la. E osep Yuda ina tidaiku omba langane. “Langka omsongon gute ane la wom Sisar ila aten kovok. Kesua gute ka wai iye vri mgo ke omur gesa iye Sisar ina oul.”

Jon 19:15

E tidaiku langane. “Umapaur iye la. Ma iye la. Umenilim iye ke ina akai.” E Pailat wai ke isak langane. “Umawaiki nganilim gute ka vri mgo ke umu ke ina akai?” E osep loulou ina ka omba tikoli tiwai ke iye langane. “Sisar vala iye gute ka vri mgo ke imi.”

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Aposel 24:14

Lou elio langane. Eknikane ngadidi elio oku ina batne ke Yesus. E osep ane tiwai elio oku ina iye elio yakngan vala. Eknikane aitno lungong la ke Ida Tapolngon e ngalotuim iye. Eknikane aitno lungong dagar ke Moses ila sogongon keniye e ke osep napaprangan ina urok sogongon keniye.

Aposel 3:12

Pita vati osep tonari deka ile omur tidigrik deka iye wai ke isak langane. “Umu osep Israel ina ina lange umedigrik ke elio ane? Ina lange omtomu nekek dagar ke imi? Aitno lumu lange? Aitno lumu mter elio ka gute ane lila ina poloungon batne limem arit koke limem elio itau koke lange?”

Aposel 3:26

Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

Aposel 7:32

‘Ngong lem seia Inarak Tapolngon. Ngong Abraham e Aisak e Jekop Inarak Tapolngon.’ Moses klingen ila pelengon deka iye nakarkar omba e waiki bitna vati omur kovok kesua iye lim ke iye.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.