Aposel 28:8 - Aria New Testament

⁸ Ari Publius timla paia e munu ke ila bota kesua tarna engil e iye bres marau. Deka Pol la polou ke iye e wai itau ke Ida Tapolngon ma iye lua gute tonari. E Pol limla duru kai iye deka ina paiangan yagos e iye polou itau blang.

Aposel 28:8 ပူးပေါင်းရင်းမြစ်များ

Matyu 10:1

Yesus gi ke ila disaipel songotno orwo e kar isak arit ma tikaranga tisapir angelo soulu e tidue osep ka tipaia e tarna lisak sasi tipolou itau blang.

Matyu 10:8

Umodue osep ka tipaia tipolou itau blang e umodue osep ka timete kodong tipoga titito blang e umodue osep ka paiangan lepra due isak tidong itau blang e umasapir angelo soulu ke osep. Oku ane umodue arit ke ngong adai e umekli ngong ine kovok e ma umakar wan bitna bitna ke osep adai e tikli umu ine kovok blang.

Matyu 12:13

Deka Yesus wai ke gute ka limla mete langane. “Livep me.” Gute gotok limla e limla are polou itau langka limla silang.

Matyu 9:18

Yesus dau wai e gute kene ka plau osep Yuda ina me grum kamla ke Yesus bitna e wai langane. “Erigu apmang oku ane mete kodong. Ngawaiki omo e omdue livep munu ke iye e ma iye bauluk ke mosongon blang.”

Mak 16:18

Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”

Mak 5:23

Deka iye wai langane. “Erigu apmang ka daudeng ina paiangan ombatno lokono e isuk boto ma iye mete ine. E omo ma livep kai iye ma omlua iye ma iye mete kovok.”

Mak 6:5

Yesus ile osep tonari tipli iye deka iye karanga due ila elio arit ina pula ke armok tonari kovok. E limla kai gute kene kene vala ka paia e lua isak.

Mak 7:32

Deka osep leklou tipaur gute gesa ka tala pono e silang iye karanga wai malak kovok me ke iye. E osep tonari tikel Yesus ma due limla duru kai gute tonari e ma lua iye.

Luk 13:13

Deka iye kai iye ke limla e lokono apmang odong ine polou itau e iye vri osuk e kakai Ida Tapolngon angaine tito ine.

Luk 4:40

Alo ka oklou duru e olwo boto ke epmes osep tipaur osep ka tidong ke urok osua ka paiangan bitna bitna due isak time ke Yesus. E iye kai isak kene kene ke limla deka tipolou itau.

Aposel 28:7

Alo ari gute Publius ka osep Malta ina inarak gute namor ina taklak dong olwo boto ke omur ka imopolou ine. E iye paur imi ke ila ninu e imodong kap iye iding ke oklou eklu e iye kere imi itau.

Aposel 28:9

Pol lua iye yagos deka osep ka pula keniye ka tidong ke aidunu tonari ka tipaia time ke iye. E iye lua isak blang e inarak paiangan bitna bitna yagos.

Aposel 9:40

Deka Pita wai ke isak langane. “Umala ke dogur.” Deka tisongon eliang tonari. Pita dau dong ine kap Dorkas pampamu ine deka iye grum kamla e manik duru e wai itau ke Ida Tapolngon. Deka bitna la ke apmang ka mete kodong e iye wai langane. “Tabita emtipa.” Deka Tabita bitna pal e iye vati Pita deka tipa e dong.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 12:9

E ke gute silang Ano Itau due aitno ila dagar polou dagar lokono. E Ano Itau kere gute silang ma iye karanga lua osep ka tipaia ma tipolou itau blang.