Aposel 28:20 - Aria New Testament

²⁰ Ngagi umu ma itoduni pulu ma ngapalongo lumu ke elio batne ka osep tipou ngong ke sen. Umoklingen. Aitno lungong dagar ke gute ka oglou udo seia tidong dau tauni e tipara ke iye ma iye me lua osep Israel ina. Aitno lungong langane e osep tipou ngong batne aitno lungong dagar ke iye.”

Aposel 28:20 ပူးပေါင်းရင်းမြစ်များ

Aposel 10:29

Deka eknikane ma ngapul dogur ke umu kovok. Ngaklingen lumu pelengon deka ngame ke omtomu vala. Deka ngapmi umu langane. Ina lange umegi ngong e umawaiki ngame ke umu?”

Aposel 10:33

Ngaklingen pelengon ka nga-palongo lem ine yagos deka lokono ngapagei osep tiuti ke wom ma tipaur wom omo ane ma omlua imi. Deka omdue elio itau ke imi e omo ane. E imodong ane ke Ida Tapolngon bitna kesua imawaiki imeklingen pelengon keniye ka Ida Puda palongo lem ine.”

Aposel 21:33

E osep ola ina inarak plaungan ka mgo polou ke Pol e tikis iye dagar. E iye wai ke osep ola ina langane. “Umodue sen orwo e umopou iye ine.” Deka iye pmi osep pula langane. “Gute ane iye sei? Iye due sua?”

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Aposel 26:29

Deka Pol wai langane. “Langka ngawai dau tauni koke ngawai isuk boto vala eknikane ngawai ke Ida Tapolngon ngawaiki umu keniye ane umopolou eriar langka ngong ngadong. E dau ngawaiki osep tipou umu ke sen e umodong ka kalabus langka ngong kovok.”

Aposel 28:17

Pol dong ke Rom oklou eklu mela yagos deka iye gi osep Yuda ina urok osep namormor ka tidong ke armok ma time tiduni pulu kap iye. Deka osep tonari tiduni pulu kap Pol e iye wai ke isak langane. “Sipmi. Umoklingen lou pelengon. Oglou ngadue elio soulu ke itosep Yuda ina sudo gesa kovok e ngadar udo seia urok apu gesa kovok. Lama ngadue elio soulu langane kovok osep Yuda ina tidue ngong ngasep ke kalabus ke Jerusalem. E tipaur ngong ke osep Rom ina limsak.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Efesus 6:20

Ngong langka Krais ila gute meriang ina e ngadong ke kalabus ane kesua nganapapra Ida Tapolngon ila omon itau ka iye rere ma ngadue. E umawai itau ke Ida Tapolngon ma ngaulou tarna lungong kovok. Kesua ngawaiki ma ngawai Ida Tapolngon ila omon itau ke osep eriar langka iye waiki ngadue.

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

Kolosi 4:18

Ngong Pol ngasogo pas ane e ngawai “oklou itau” ke umu. Aitno lumu mter ke elio ka ngadong ke kalabus ane. Ngawaiki Ida Tapolngon ila makaingan dong kap umu.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

Filemon 1:10

Ngapmi wom ke gute Onesimus. Alo ka ngadong ke kala-bus ngawai ke iye ke Ida Tapolngon ila pelengon deka aitno la dagar ke Krais. Deka iye polou langka erigu.

Filemon 1:13

Ngadong ke kalabus ane batne nganapapra Yesus Krais ila omon itau. E ngawaiki iye dong kap ngong e lua ngong e ke elio ane iye langka kasip amun wom alo ka ngadong ke kalabus ane.