Aposel 28:18 - Aria New Testament

¹⁸ E ari ngavri ke osep Rom ina amtarsak ma tiwade lou elio. Tiklingen ke lou elio deka tiwaiki tisongon ngong ma ngala blang. Kesua lou elio gesa vri ke ngong ma ngamete ine kovok.

Aposel 28:18 ပူးပေါင်းရင်းမြစ်များ

Aposel 22:30

Oklou silang osep ola ina inarak plaungan ka mgo waiki ile omur batne lange osep Yuda ina aitno lisak engil ke Pol. Deka iye wai ke osep ola ina langane. “Umosongon Pol.” E gute tonari vai omon ke osep loulou ina ka omba ma tigosok osep kaunsil ina time tiduni pulu. Osep tiklingen ila pelengon deka tiduni pulu e osep ola ina inarak plaungan ka mgo paur Pol me vri ke osep tonari amtarsak.

Aposel 23:29

E ngapmi isak ke urok sinngen elio ma ngaile omur ine. E tikoli tiwai iye dar urok pelengon dagar. E ngaile omur iye dar pelengon dagar gesa ka vri ke iye langka itodue la dong ke kalabus koke itomluk iye ma iye mete ine kovok.

Aposel 24:10

Osep tiwai langane deka Feliks otuk ine nemit la ke Pol ma iye wai. Deka Pol tito wai langane. “Gute namor. Ngaile oglou me iding ke eknikane amwade osep urok elio kodong. E eknikane aitno lungong itau ke elio ka ngapolou ke emtem ma emklingen lou pelengon.

Aposel 24:22

Feliks ka ile omur ke elio oku ina klingen Pol ila pelengon yagos deka wai langane. “Itomtong ke elio ane la lama gute Lisias ka osep ola ina inarak plaungan ka mgo me polou ke ite deka ma ngaklingen lumu pelengon blang e ngawade ine.”

Aposel 25:25

Ngawade gute ane ila elio kodong e ngaile ila elio gesa vri ke iye langka itemter iye ma iye mete ine kovok. E iye tona wai iye waiki polou ke Sisar bitna ma Sisar klingen ila pelengon. Deka ngawai ma iye la polou ke Rom ma Sisar klingen ila pelengon.