Aposel 28:14 - Aria New Testament

¹⁴ Imodong ke armok tonari e imopolou ke sipmi ka isak osep Kristen. E tiwai ke imi langane. “Umodong kap imi iding ke wik kene.” Tiwai langane deka imodong kap isak wik kene. Mase imosongon isak e imedidi ekreng e imala ke Rom.

Aposel 28:14 ပူးပေါင်းရင်းမြစ်များ

Matyu 10:11

“Alo ka umopolou ke armok omba koke armok daudeng ume-krim gute ka ila elio isuk isuk itau e umodong kap iye la lama umo-songon armok are.

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Aposel 20:6

E imodong ke Filipai la lama rogo ka osep Yuda ina tingen bret ka yis dong ine kovok mela yagos. Deka imesep ke sip e imosongon Filipai e imala la lama oklou elme mela yagos e imopolou ke osep ka tipara ke imi ke Troas. E imodong ke armok tonari oklou lumorwo.

Aposel 21:4

E imekrim Yesus ila disaipel ke omur are e imapado isak e imodong kap isak oklou lumorwo. Ari Ano Itau due osep tonari aitno lisak deka tiwai dagar ke Pol langane. “Amla ompolou ke Jerusalem sakam.”

Aposel 28:13

­Imodong ke Sirakyus deka imosongon armok e imala e imopolou ke armok Regium. Imodong ine oklou kene deka imosongon armok e imala blang. E engen polou dogur ke imi e sodung imi imala e oklou silang imopolou ke armok Puteoli.

Aposel 28:15

Alo ka imi dau imopolou ke Rom kovok sipmi leklou ka isak osep Kristen ka tidong ine tiklingen ke limem langan. E tisongon armok e time e imososon isak leklou ke bilmu Apius e imososon isak leklou blang ke omur ka tisire Ninu Kaulei Eklu. Pol vati osep Kristen ka tipolou ke imi deka aitno neser e iye wai itau ke Ida Tapolngon ine e iye arit iye ine.

Aposel 28:21

E osep tonari tikoli tiwai langane. “Imi ane imeile ine kovok kesua osep ka tidong ke omur Judia tipagei pas gesa me polou ke imi ine kovok. Silang blang gute kene ka omur Judia ina me polou ke imi e palongo limem ke wom kovok. E silang blang langka omdue elio soulu ke isak tiwai ine kovok.

Aposel 6:3

Ma umerere sudo arang lumorwo ma tiplau bokongon ane. Umerere osep ka osep leklou tiwai urok elio isuk isuk itau e Ano Itau plau isak e tile omur itau. Deka ma imakar bokongon tonari ke isak.

Aposel 9:30

Sol sisrok tile osep tonari aitno lisak deka tipaur Sol duru la ke armok Sisaria deka tipagei iye la ke armok Tarsus.

Pas ka Pol sogoe uti la ke osep Rom ina 1:13

Sipmi. Ngawaiki umo-klingen lou pelengon ma umeile omur ine. Oglou ngawai ke lou langan aling pula kesua ngawaiki ngapolou ke umu. E ngakaranga ngapolou ke umu kovok kesua parangan gesa dangdang ngong ke lou langan tonari. Alo ari ngawaiki ngapolou ke umu ma ngaboko ke umu. Ngawaiki ngaboko ke umu kesua oglou lou bokongon lua osep pula ka isak osep Yuda ina kovok. Deka osep tonari tipolou Ida Tapolngon ila osep. E ngawaiki ngaboko ke umu eriar langka oglou ngaboko ke isak e dau parangan gesa dangdang ngong ine.