Aposel 28:11 - Aria New Testament

¹¹ Imi dau imodong ke aidunu tonari la lama taiko eklu mela yagos. Deka imesep ke sip gesa ka dong ari e para ke alo ka engen ina taiko mela yagos ma iye la blang. Sip tonari armok Aleksandria ina gesa. Oglou osep tisapi sapingen langka inarak tapolngon Sus titno arang ka padanga e sapingen tonari dong ke sip topurne. Imesep ke sip deka imosongon omur are e imala.

Aposel 28:11 ပူးပေါင်းရင်းမြစ်များ

Aposel 13:6

Tilila ke aidunu Saiprus la lama tipolou ke armok Pafos. Deka ari tisoson gute Yuda ina ka gute borou timla. Gute tonari angaine Barjisas e iye gute napaprangan yakngan ina.

Aposel 27:6

Imodong ine deka gute ka plau osep ola ina buno kene pado sip gesa ka armok Aleksandria ina ka waiki la ke omur Itali. Deka imesep ke sip tonari e imosongon Maira.

Aposel 28:10

Osep ka tidong ke aidunu tidue elio itau lokono ke imi e alo ka imawaiki imosongon aidunu tikar wan bitna bitna ke imi ma tilua imi ke sip.

Aposel 28:12

Imala la lama imopolou ke armok Sirakyus e imodong ine oklou eklu.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

1 Korin 8:4

Ke elio ka itangen ongwa okurne ka osep tidue elio opmu ina ke sapingen gesa ine ngawai langane. Iteile sapingen isak wan lokono kovok. Wan langka sapingen isak adai vala. E tapolngon pula tidong kovok. Aurou. Tapolngon kene dong ka Ida Tapolngon lokono.