Aposel 27:24 - Aria New Testament

²⁴ E iye wai langane. ‘Omulou tarna lugom sakam. Ma ompolou ke Sisar bitna ma iye klingen lem pelengon. Silang blang langane. Ma Ida Tapolngon didi ila elio itau e lua osep keniye ka tidong ke sip ane ma gute kene imina ke umu kovok.’

Aposel 27:24 ပူးပေါင်းရင်းမြစ်များ

Matyu 10:18

Aitno lumu dagar ke ngong e ke batne langane osep ma tidue umu umevri ke osep ka tiplau omur emkil e osep ka tivri mgo ke omur omur amtarsak. Ma umapalongo urok e osep ka isak osep Yuda ina kovok ke aitno lumu ila dagar.

Matyu 10:28

Umelim ke osep kovok. Tikaranga timter umu ma pampamu lumu timete e dau tikaranga timluk aitno lumu kovok. E umodue anit ke Ida Tapolngon kesua iye karanga due pogle ke osep pampamu lisak e aitno lisak ke omur hel.

Jon 11:9

E Yesus koli wai ke isak langane. “Oklou bublo ke aua songotno orwo ke oklou kene kene. Gute ka lila ke oklou gene duru kovok kesua oklou bublo e iye karanga vati ekreng itau.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 25:11

Langka lou elio gesa vri ke ngong ma ngamete ine deka ma ngamete e ngawaiki ngapren ine kovok. E sinngen elio gesa vri ke ngong kovok e gute gesa dong ka karanga due ngong ma ngala ke isak kovok. Eknikane ngawai ke wom langane. Ngawaiki ngala ke armok Rom ma ngapolou ke gute Sisar bitna ma iye tona wade lou elio.”

Aposel 27:31

Deka Pol tito wai ke gute ka plau osep ola ina buno kene e ke osep ola ina blang langane. “Osep. Langka osep ka tiboko ke sip ane tibisi kla ma umeimina.”

Aposel 27:37

Alo ari imi keniye ka imodong ke sip ipem sasa 276.

Aposel 27:42

E osep ola ina aitno lisak mter ma timluk osep kalabus ina timete lama tisisu ke taklak e tiulou kla.

Aposel 27:44

E umu ka umakaranga umesisu itau kovok umekis akai gesa koke sip ina akai palma ma lua umu ma umeples e umopolou ke misuon ina dingen batne.” Iye wai langane deka osep keniye tididi ila pelengon e isak keniye tipolou ke taklak e gute kene imina kovok.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Filemon 1:22

E lou pelengon silang blang langane. Aling aling umawai itau ke Ida Tapolngon ke ngong kodong e ke batne langane aitno lungong mter langka isuk boto ma ngasongon kalabus e ngapolou ke umu. Deka emkere eliang ke lem ninu ma ngamunu ine.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

Pelengon kukwopngon 1:17

Ngavati iye deka ngagene ngaduru ngamunu olwo boto ke kamla. Ngamunu langka gute ka mete kodong. Deka iye due limla odung duru kai ngong e wai langane. “Aitno lugom nesik sakam. Ngong gute ka oglou kodong ngadong e mase ma ngadong blang.