Aposel 27:18 - Aria New Testament

¹⁸ Engen dau ipu sip dagar e misuon ina boitini omba deka oklou silang osep tidue sip ina brokngon leklou e tiurie la ke misuon.

Aposel 27:18 ပူးပေါင်းရင်းမြစ်များ

Matyu 16:26

Langka gute due wan keniye ka taklak ina e dau ila mosongon imina ma iye due wansua? Koke ma gute kar wansua ma iye due ila mosongon?

Luk 12:23

Kesua udo mosongon dong itau batne ke udo ngangon ka itangen kovok. E pampamu lite dong itau batne ke udo klos ka itetnei kovok.

Luk 16:8

“Mase gute bokongon ina tonari ina puda pakaru iye lama ila elio soulu kesua aitno mter itau. E osep ka taklak ina aitno lisak mter itau alo ka tidue burong kap osep taklak ina leklou. E urok elio mole Ida Tapolngon ila osep urok elio langare.

Aposel 27:19

­La lama oklou silang blang osep tidue sip ina wan bitna bitna leklou langka ina sel e ina galou e ina akai e tiuri isak la ke misuon.

Aposel 27:38

Osep tingen ngangon la lama tigot deka tidue wit otna ka dau dong ke sip e tiurie la sep ke misuon ma sip polou markan.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.