Aposel 27:1 - Aria New Testament

¹ Deka tilalo pelengon kodong ma imala ke omur Itali deka tiwai ke gute Julius ka iye plau osep ola ina buno kene langane. “Amplau gute Pol gosok osep kalabus ina leklou itau.” Gute Julius tonari dong ke osep ka tisir isak Sisar ila osep ola ina.

Aposel 27:1 ပူးပေါင်းရင်းမြစ်များ

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Luk 23:47

E alo ka gute ka plau osep ola ina buno kene vati wan ka polou iye kakai Ida Tapolngon angaine tito la egim e wai langane. “Lokono gute ane iye gute ka osuk lokono e ila elio vri ke iye kovok.”

Luk 7:2

E gute ola ina ka plau osep ola ina buno kene dong ke armok tonari e ila gute bokongon ina paia e isuk boto iye mete. E gute tonari aitno omba ke ila gute bokongon ina.

Aposel 10:1

Ari gute gesa dong ke armok Sisaria ka angaine Kornilius. Iye plau osep ola ina buno kene ka tisir isak osep ola ina ka omur Itali ina.

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 16:10

Pol vati ano yagos deka lokono imekere limem wan ma imala ke omur tonari. Kesua aitno limi mter Ida Tapolngon waiki imala ke omur tonari ma imanapapra Yesus ila omon itau ke osep are.

Aposel 18:2

E ari iye soson gute Yuda ina gesa ka angaine Akwila ka ila omur batne Pontus. E oglou tauni kovok iye gosok esna Prisila tisongon omur Itali e time tipolou ke Korin. Kesua gute Klodius ka vri mgo ke omur Rom wai dagar ma osep Yuda ina keniye tisongon armok Rom e isak kla tidong ke omur silang. E Pol la ke isak.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 21:32

Deka osep ola ina inarak plaungan ka mgo due osep ola ina leklou ka tiplau osep ola ina buno kene e osep ola ina leklou blang tisuong tipolou ke osep tonari. Osep tivati osep ola ina tigosok inarak plaungan ka mgo tipolou ke isak e timluk Pol kovok.

Aposel 22:26

­Gute tonari klingen Pol ila pelengon deka iye la wai ke osep ola ina inarak plaungan ka mgo langane. “Gute. Amwaiki omdue sua? Kesua gute ari iye gute Rom ina gesa.”

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 23:17

Pol klingen ila agau ila pelengon yagos deka iye gi gute ka plau osep ola ina buno kene me polou ke iye e wai langane. “Ampaur gute auram ane ma iye la polou ke lumu gute plaungan ka mgo. Kesua iye waiki palongo gute tonari ila.”

Aposel 24:23

Deka Feliks wai ke gute ka plau osep ola ina buno kene langane. “Amplau gute ane itau e omsongon iye lila sasi boto. E langka sisrok tiwaiki time ma tikere iye deka amdangdang isak ine kovok.”

Aposel 25:12

Festus klingen Pol ila pelengon deka iye gosok osep ka tikar iye ilengen itau timter pelengon pulu ine. E iye palongo Pol ila langane. “Amwai amwaiki amla ompolou ke Sisar bitna deka ma amla ompolou ke iye.”

Aposel 25:25

Ngawade gute ane ila elio kodong e ngaile ila elio gesa vri ke iye langka itemter iye ma iye mete ine kovok. E iye tona wai iye waiki polou ke Sisar bitna ma Sisar klingen ila pelengon. Deka ngawai ma iye la polou ke Rom ma Sisar klingen ila pelengon.

Aposel 27:11

Pol wai langane e gute ka plau osep ola ina buno kene klingen ila pelengon kovok. Aurou. Iye klingen sip ina gute orwo gute ka sip ina plaungan urok pelengon vala.

Aposel 27:43

E gute ka plau osep ola ina buno kene dangdang isak ine kesua iye waiki Pol mete kovok. Deka iye wai ke osep ka pula keniye langane. “Mgo umu ka umakaranga umesisu umokopiuk umoduru ke misuon e umesisu ma umopolou ke misuon ina dingen batne.

Aposel 27:6

Imodong ine deka gute ka plau osep ola ina buno kene pado sip gesa ka armok Aleksandria ina ka waiki la ke omur Itali. Deka imesep ke sip tonari e imosongon Maira.

Aposel 28:1

Imopolou itau ke misuon ina dingen batne kodong deka ime-klingen osep tisir aidunu are angaine Malta.

Aposel 28:16

Imala la lama imopolou ke Rom deka ari osep Rom ina tisongon Pol iye dong ke ninu gesa e gute ola ina kene dong kap iye e plau iye.

Hibru 13:24

Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.