Aposel 26:23 - Aria New Testament

²³ Oglou tiwai osep ma tidue burwa ke gute ka Ida Tapolngon rere Krais ka iye lua osep ke urok elio epmes ina. E ma iye mgo ke osep keniye ka tipoga titito ke inarak denga. Deka ma iye napapra ke osep Yuda ina e ke osep ka isak osep Yuda ina kovok ke elio ka iye lua osep ke urok elio epmes ina. E elio ane langka bublongon ke isak.”

Aposel 26:23 ပူးပေါင်းရင်းမြစ်များ

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Matyu 27:53

E tipolou ke inarak denga e mase alo ka Yesus poga tito ke ina denga tisep ke Jerusalem e osep pula tivati isak.

Luk 2:32

Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Luk 24:46

E iye wai ke isak langane. “Osep tonari tisogo langane. ‘Gute Krais ka Ida Tapolngon rere ma iye lua osep ma namani elio soulu deka ke oklou eklu ina ma iye poga tito ke ina denga.’

Jon 10:18

Gute kene karanga due ngong ma ngamete kovok. Aurou. Ngadidi aitno lungong e ngamete e silang blang ngakaranga ngadue lou mosongon blang. Livou wai dagar ke ngong ma ngadue langane.”

Jon 11:25

Deka Yesus wai ke iye langane. “Ngong tona batne ke osep ka tipoga titito ke inarak denga e ngong mosongon batne blang. Gute ka aitno dagar ke ngong ma dau dong lama pampamu ine mete.

Aposel 13:34

“Ari Ida Tapolngon due poga tito kodong deka eknikane iye dong blang. Deka ma iye bauluk ke ina denga blang ma pampamu ine polou okus kovok. Kesua oglou Ida Tapolngon wai langane. ‘Ma ngakar umu ke elio itau e kerengen itau langka oglou ngawai ke Devit ine.’

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Aposel 26:8

Ina lange aitno lumu karanga mter ke elio ka Ida Tapolngon due osep ka timete kodong tipoga titito ke inarak denga kovok?”

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.

Aposel 3:24

Mase gute napaprangan ina Samuel dong. Alo ari iye napapra osep ke taim ane. Mase osep napaprangan ina keniye ka tididi Samuel tinapapra ine blang.

1 Korin 15:3

Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Kolosi 1:18

Sios iye Krais pampamu ine e iye mgo ke sios langka otuk ine. E iye mosongon ka itau batne e iye mgo ke osep ka timole inarak denga e iye ma vri mgo ke wan ka pula keniye.

Hibru 2:10

Ida Tapolngon ka iye due wan ka pula keniye e ka ila arit plau wan tonari didi aitno e songon Yesus namani elio soulu ka osep tidue ke iye. Ke elio langane Yesus polou Ida Luangan e Ida Tapolngon waiki osep pula tipolou titno batne ke iye.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.