Aposel 26:22 - Aria New Testament

²² Oglou me iding ke eknikane Ida Tapolngon lua ngong e ngadong itau. Deka ngapolou ngavri ane ke umu ka angainmu omba e umu ka angainmu daudeng boto omtomu e ngapalongo lumu ine. Eknikane ngawai ke elio ka oglou kodong osep napaprangan ina e Moses tiwai ma polou.

Aposel 26:22 ပူးပေါင်းရင်းမြစ်များ

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Luk 16:28

Kesua ngau saiver elme tidong e ngawaiki iye wai ke isak dagar ma isak blang time ke omur ane ka osep tingangir e tarna lisak doro doro ine kovok.’

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Luk 24:46

E iye wai ke isak langane. “Osep tonari tisogo langane. ‘Gute Krais ka Ida Tapolngon rere ma iye lua osep ma namani elio soulu deka ke oklou eklu ina ma iye poga tito ke ina denga.’

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 5:46

Kesua langka aitno lumu dagar ke wan ka Moses wai ine ma aitno lumu la dagar ke ngong blang kesua iye sogo ke ngong. E aurou. Aitno lumu dagar langane kovok.

Aposel 10:43

Oglou osep napaprangan ina keniye tiwai ine langane. ‘Osep ka pula keniye ka aitno lisak dagar ke iye ma iye due urok elio epmes ina noklok la batne ke iye tona.’”

Aposel 13:29

Osep ari tidue burwa ke iye eriar langka oglou osep napaprangan ina tisogo ine deka urok sogongon polou lokono. Deka osep leklou tipi nil ke kamla e limla e tidue duru ke ina akai deka tipaur pampamu ine la munu ke ina denga.

Aposel 24:14

Lou elio langane. Eknikane ngadidi elio oku ina batne ke Yesus. E osep ane tiwai elio oku ina iye elio yakngan vala. Eknikane aitno lungong la ke Ida Tapolngon e ngalotuim iye. Eknikane aitno lungong dagar ke Moses ila sogongon keniye e ke osep napaprangan ina urok sogongon keniye.

Aposel 26:17

Ma ngalua wom ke lem bokongon lama osep Israel ina e osep ka isak osep Yuda ina kovok tidue elio soulu ke wom. E ma ngapagei wom ke osep ka isak osep Yuda ina kovok.

Aposel 26:6

­Eknikane ngapolou ngavri ke emtem kesua aitno lungong dagar lokono e ngapara ke Ida Tapolngon ila promis ka oglou ari iye wai dagar ke limem seia.

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Pas ka Pol sogoe uti la ke osep Rom ina 3:21

E eknikane Ida Tapolngon nis itosep malak ke elio ka iye due ite itopolou itau e osuk ke bitna. Moses ila sogongon karanga due osep ma tipolou itau e osuk ke Ida Tapolngon bitna kovok. E elio ka osep tipolou itau e osuk ke Ida Tapolngon bitna didi pelengon silang blang ka oglou Moses e osep napaprangan ina tisogo ine.

1 Korin 15:3

Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.

1 Korin 15:4

E tiyas iye ke ina denga deka oklou eklu mela yagos deka iye poga tito ke ina denga blang. Ane langka oglou Ida Tapolngon ila pelengon wai ine.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.

Pelengon kukwopngon 11:18

Osep epmes ina ke omur ka pula keniye aitno lisak tipolou engil lokono. E aitno lugom ila engil polou blang. E eknikane iye taim ka amwade osep ka timete kodong e alo ka omkoli elio itau ke osep napaprangan ina ka tidue lem bokongon. E ke lem osep leklou ka pula keniye ka tidue anit ke angain wom langka angainsak omba koke angainsak omba kovok. E eknikane iye taim ka omdue agegeng ke osep ka tidue agegeng ke osep leklou.”

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.

Pelengon kukwopngon 20:12

E ngavati osep ka pula keniye ka timete kodong langka angainsak omba koke angainsak omba kovok tidong mgongon ke kova. Deka ensel tiklok buk ka sogongon dong ine ka wai ke elio isuk isuk ka osep tidue alo ka tidong ke taklak. E tiklok buk silang ka mosongon ina ka osep ka tidue mosongon ka dong vala dong angainsak dong ine. Deka Ida Tapolngon wade osep ka timete kodong ke sogongon ka dong ke buk orwo tonari.