Aposel 26:16 - Aria New Testament

¹⁶ Emtito emvri. Ngapolou ke wom kesua ngarere wom lou gute bokongon ina gesa. E ma ampalongo osep ke elio ka oku ane amvati e ke elio ka mase ma nganis wom ine.

Aposel 26:16 ပူးပေါင်းရင်းမြစ်များ

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Aposel 1:17

Oglou Yesus ila disaipel ite e Judas. E Judas lila boko kap ite.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 21:19

­Imopolou ke osep tonari e Pol wai “oklou itau” ke isak e palongo urok ke elio bitna bitna keniye ka iye due airavu ke osep ka isak osep Yuda ina kovok batne ke bokongon ka Ida Tapolngon kare ke iye.

Aposel 22:10

Deka ngawai langane. ‘Ngau Puda amwaiki ngadue sua?’ E iye wai langane. ‘Emtito emsep ke Damaskus deka ma gute silang palongo lem ke bokongon ka ngarere ke wom ma omdue.’

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 26:15

Deka ngapmi iye langane. ‘Ngau Puda wom sei?’ Deka Ngau Puda koli wai langane. ‘Ngong Yesus ka omdue agegeng ke ngong.

Aposel 6:4

E ke oklou aling aling imi ma imoboko langka imawai itau ke Ida Tapolngon e imanapapra ila pelengon ke osep.”

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

2 Korin 4:1

Ida Tapolngon aitno due imi e kar bokongon ane ke imi e imoulou ine e imosongone kovok. E imodue vala.

2 Korin 5:18

Wan bitna bitna tonari polou ke Ida Tapolngon. Oglou ite Ida Tapolngon ina oul ite deka ke Krais iye due aitno lite tipolou kene kap iye. Aitno lite kene kap iye deka iye kar bokongon ke ite ka itoboko e itodue osep leklou aitno lisak kene kap iye blang.

Galesia 1:12

Kesua ngadue pelengon ane ke gute gesa kovok. E osep tiparere ngong ine kovok. Aurou lokono. Yesus Krais vala nis ngong ke pelengon ane.

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Efesus 3:3

Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

1 Timoti 4:6

Timoti langka ampalongo pelengon ane ke sudo ma omdong langka Krais Yesus ila gute bokongon ina. Ma omdue arit ka ombatno ke Ida Tapolngon ila pelengon ka aitno lugom dagar ine e ke parerengen ka itau ka emklingen e emdidie.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.