Aposel 24:5 - Aria New Testament

⁵ Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.

Aposel 24:5 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Luk 23:19

Ke oglou osep Rom ina tidue Barabas sep ke kalabus kesua iye sruk osep aitno lisak ma tidue evlei ke gavman ke armok are e silang blang iye due burwa ke gute gesa.

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Luk 23:25

E iye songon gute ka dong ke kalabus kesua iye sruk osep aitno lisak ma tidue evlei ke gavman e iye due burwa ke gute gesa. Iye gute ka osep tiwaiki Pailot songon iye la. E Pailot vai Yesus ke osep ola ina ma tididi wan ka osep tiwaiki tidue.

Luk 23:5

E tiwai dagar langane. “Gute ane sruk osep aitno lisak ke omur Judia keniye nogrum ke omur Galili e me ke armok ane.”

Aposel 15:5

E osep Farisi ina leklou ka aitno lisak dagar ke Yesus kodong tivri e tiwai langane. “Wan ka itau imawaiki umapalongo osep ari ka aitno lisak dagar ke Yesus ma tididi elio ulangngan ina e tididi Moses ila sogongon keniye ka oglou iye kare ke imi.”

Aposel 21:28

E tidaiku dagar lokono langane. “Osep Israel ina umolua imi. Gute ane parere osep ka pula keniye ka tidong ke omur omur ke ite. Iye wai soulu ke ite e ke Moses ila sogongon e ke Ida Tapolngon ila ninu ane. Silang blang iye paur osep Grik ina tisep ke Ida Tapolngon ila ninu ane e tidue omur ane ka itau lokono polou soulu.”

Aposel 22:22

Osep Yuda ina tiklingen Pol ila pelengon la lama iye wai langare deka lokono aitno lisak nevlik amnga lokono e tiwai omba langane. “Umemke gute are ma iye mete. Gute langare iye karanga dong kap itosep kovok e ma iye mete vala.”

Aposel 24:14

Lou elio langane. Eknikane ngadidi elio oku ina batne ke Yesus. E osep ane tiwai elio oku ina iye elio yakngan vala. Eknikane aitno lungong la ke Ida Tapolngon e ngalotuim iye. Eknikane aitno lungong dagar ke Moses ila sogongon keniye e ke osep napaprangan ina urok sogongon keniye.

Aposel 24:4

Eknikane ma ngadong ngawai alang ke lou pelengon kovok. Aurou. Ngawaiki omdue elio itau e emklingen limem pelengon ka isuk boto vala.

Aposel 25:7

Deka tidue Pol me polou ke Festus bitna. E osep Yuda ina ka oglou tisongon Jerusalem e time kodong tivri lelei ke Pol e tisin elio soulu lokono pula vri ke iye. E urok sinngen elio adai vala kesua batne dong ine kovok.

Aposel 26:5

Tile ngong e lou elio tauni kodong. Oglou ngong gute Farisi ina gesa e ngadidi imi osep Farisi ina limem elio ka engil lokono. Langka osep Yuda ina tiwaiki tiwai ke wom ke lou elio tikaranga tidue kesua tile omur ke ngong.

Aposel 28:22

E imi ane imawaiki imeklingen lem pelengon ma imeile aitno lugom. Kesua osep ka pula keniye tiwai soulu ke osep ka tididi elio oku ina.”

Aposel 5:17

Alo ari gute loulou ina ka mgo gosok sisrok ka osep Sadyusi ina aitno lisak rim ke osep aposel deka aitno lisak soulu ke isak.

Aposel 6:13

Deka tidue osep leklou ka isak osep yakngan ina e tiyakyak e tisin elio vri ke Stiven. Tiwai langane. “Oklou aling aling gute ane wai soulu ke Ida Tapolngon ila ninu e ke Moses ila sogongon blang.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

1 Korin 4:13

Tiluk imi soulu e imokoli urok pelengon ke pelengon itau vala. E imopolou kodong langka tokonkon ka sasi lokono ka osep tisere la. Ke osep pula amtarsak imodong langka tokonkon vala e langka wan ka sasi lokono. Imodong langane ke oglou la lama iding ke eknikane.

1 Pita 2:19

E Ida Tapolngon aitno itau ke gute ka didi iye e namani elio soulu ke osep plaungan langare. Deka Ida Tapolngon ma kere iye itau.