Aposel 24:27 - Aria New Testament

²⁷ E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 24:27 ပူးပေါင်းရင်းမြစ်များ

Mak 15:15

Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.

Aposel 12:3

Jems mete deka osep Yuda ina aitno lisak itau ine. Herot vati aitno lisak itau ine deka iye wai ke osep ola ina e tikis Pita dagar e tipaur iye la sep ke kalabus. Elio ane polou alo ka osep Yuda ina tidue inarak apu ka tingen bret ka yis dong ine kovok.

Aposel 23:35

Deka gute tonari wai ke iye langane. “Alo ka osep ka tisin elio vri ke wom tipolou ma ngaklingen lumu pelengon.” Deka iye wai ke osep ola ina langane. “Umapaur gute ane la dong ke Herot ila ninu e umaplau iye itau.”

Aposel 25:1

Deka Festus me polou e dong ke omur are. Iye dong ke Sisaria oklou eklu deka iye tito la ke Jerusalem.

Aposel 25:14

Tidong ke armok oklou pula e Festus palongo Agripa ila ke Pol langane. “Oglou alo ka Feliks plau omur ane iye due gute Pol la dong ke kalabus e eknikane iye dau dong ine.

Aposel 25:4

Festus klingen urok pelengon deka koli wai ke isak langane. “Pol dau dong ke kalabus ke Sisaria. Tauni kovok ma ngaduru ngala ari.

Aposel 25:9

Festus klingen Pol ila pelengon e waiki lua osep Yuda ina kesua iye waiki aitno lisak itau ke iye. Deka iye pmi Pol langane. “Aitno lugom lange? Ma itetito itala ke Jerusalem ma ngawade wom ke sinngen elio ka osep Yuda ina tisin isak tivri ke wom ke armok are koke aurou?”

Aposel 26:32

­Deka Agripa wai ke Festus langane. “Langka Pol wai ma iye waiki la polou ke Sisar bitna kovok eknikane itakaranga itosongon iye ma iye la.”

Aposel 28:30

Alo ari Pol dau dong ke ninu gesa ka iye kli ninu tonari ina gute ine iding ke tobor orwo. E aitno itau ke osep keniye ka time tipolou ke iye.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.