Aposel 24:25 - Aria New Testament

²⁵ Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”

Aposel 24:25 ပူးပေါင်းရင်းမြစ်များ

Matyu 22:5

E osep tonari tiklingen gute ka vri mgo ke omur ila omon kovok e tididi aitno lisak vala. Gute kene la ke ila yage e gute silang la due burong.

Jon 16:8

E alo ka iye me ma iye nis osep taklak ina malak ke urok elio epmes ina e ke elio ka osuk e itau e ke elio ka Ida Tapolngon wade osep.

Aposel 10:42

Deka iye kar pelengon ke imi ka iye waiki imanapapra ina basikngen ke osep ka pula keniye. Iye waiki imanapapra ke osep iye tona gute ka Ida Tapolngon rere ma iye wade osep ka tidong e osep ka timete kodong urok elio.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 17:2

Ari Pol didi ila elio ka iye napapra ke osep Yuda ina mgo e la sep ke urok duningen ina ninu. Iye sep ke duningen ina ninu ke sabat eklu e ke sabat kene kene iye ritim Ida Tapolngon ila pelengon e osep tiklingen ke iye. Deka ari iye gosok osep timter pelengon tonari pulu.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Aposel 24:26

Alo ari Feliks waiki ma Pol kar mani ke iye ka mter aitno ma iye songon Pol la. E aling pula iye palongo osep ma tipaur Pol me polou ke bitna ma tiwai pulu.

Aposel 26:28

Deka Agripa koli wai langane. “Aitno lugom lange? Aitno lugom mter langka amwai sasi boto e lem pelengon mter aitno lungong ma ngapolou gute Kristen koke aurou?”

Aposel 9:6

Emtito amla emsep ke Damaskus deka ma gute gesa palongo lem ke elio ka ma omdue.”

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 14:12

Deka mase ite kente kente ma itawai ke Ida Tapolngon ke batne ke udo elio bitna bitna ka itodue.

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

2 Korin 6:2

Umoklingen Ida Tapolngon ila pelengon. Iye wai langane. “Alo ka ngawaiki nga-klingen lumu pelengon ma ngaklingen ine. E alo ka ngawaiki ngalua umu ke lumu elio epmes ina ma ngalua umu ine.” Umoklingen. Eknikane Ida Tapol-ngon ma klingen ite e lua ite ke udo elio epmes ina.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Galesia 5:23

E itodue wan bitna bitna molil e itaplau ite itau. E wan gesa karanga dangdang elio itau bitna bitna tonari kovok.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Hibru 12:21

E tivati elio tonari e tilim omba ine. E Moses lim blang deka iye wai langane. “Ngalim e nganakarkar ine.”

Hibru 3:13

E alo ka umesir oklou kene kene “eknikane” aling aling umosruk aitno lumu pulu ke elio itau. Umodue langane lama gute gesa airavu ke umu pono aitno e elio epmes ina yak iye.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

Hibru 6:2

E silang blang imawai ke umu ke elio paunimngen ina e ke elio ka osep limsak duru kai apada e ke elio ka itopoga itetito ke ida denga e ke elio ka Ida Tapolngon wade osep dong vala dong kovok. Aurou.

Hibru 9:27

Itosep ka pula keniye ma itemete aling kene vala. Deka ma Ida Tapolngon wade udo elio isuk isuk.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

2 Pita 1:6

Deka umaplau pampamu lumu itau e umodong dagar alo ka wan polou ka opru umu e umodue elio isuk isuk ka Ida Tapolngon aitno itau ine.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.