Aposel 24:17 - Aria New Testament

¹⁷ “Oglou ngadong ke omur silang tobor pula deka mase ngabauluk ngame ke omur ane blang. Kesua ngawaiki ma nga-kalke mani gesa ma ngakare ke osep Yuda ina ka urok wan isuk boto vala. Silang blang ngawaiki ma ngadue elio opmu ina ke Ida Tapolngon.

Aposel 24:17 ပူးပေါင်းရင်းမြစ်များ

Aposel 20:16

Oglou Pol aitno mter ma iye la lelei Efesus. Iye waiki dong ke Esia kovok kesua iye waiki suong polou ke Jerusalem. Ma iye dong ari alo ka tidue rogo ka osep Yuda ina tisire Pentikos.

Aposel 20:31

E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”

Aposel 21:26

Oklou silang Pol gosok osep apanal tididi parangan tonari. Deka isak kla ke Ida Tapolngon ila ninu e tipalongo gute loulou ina langane. “Imedidi apu ane la lama oklou lumorwo deka yagos. Deka ma imi kenmi kenmi imapaur limem wan ma imodue elio opmu ina ine.”

Aposel 24:26

Alo ari Feliks waiki ma Pol kar mani ke iye ka mter aitno ma iye songon Pol la. E aling pula iye palongo osep ma tipaur Pol me polou ke bitna ma tiwai pulu.

Pas ka Pol sogoe uti la ke osep Rom ina 15:31

Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.

2 Korin 8:6

Oglou Taitus sruk aitno lumu ma umonogrum ke elio ka umotuktuk lumu mani blang. E oku ane imawai ke iye ma iye lua umu ma umababrum bokongon tonari.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

2 Korin 9:12

E lumu bokongon ane ma lua Ida Tapolngon ila osep ka urok wan isuk boto vala. E silang blang lumu bokongon ane due isak tikakai Ida Tapolngon angaine tito la egim.

Galesia 2:10

Tiwai pelengon kene vala ke imorwo. Tiwaiki ma aitno limi mter ke osep ka urok wan isuk boto vala ka tidong ke urok sios. E ke oglou ngawaiki ngadue langane deka ngaboko dagar ma ngadue.