Aposel 24:14 - Aria New Testament

¹⁴ Lou elio langane. Eknikane ngadidi elio oku ina batne ke Yesus. E osep ane tiwai elio oku ina iye elio yakngan vala. Eknikane aitno lungong la ke Ida Tapolngon e ngalotuim iye. Eknikane aitno lungong dagar ke Moses ila sogongon keniye e ke osep napaprangan ina urok sogongon keniye.

Aposel 24:14 ပူးပေါင်းရင်းမြစ်များ

Matyu 10:32

“Langka osep tipalongo osep leklou isak lou osep io ma ngawai ke Livou ka dong ke omur heven tididi ngong.

Matyu 22:40

Moses ila sogongon e osep napaprangan ina urok pelengon dong batne ke pelengon dagar orwo tonari.”

Matyu 7:12

“Umodue elio itau ke osep langka umawaiki tidue elio itau ke umu. Elio tonari Moses ila sogongon e osep napaprangan ina urok sogongon lana ine.”

Luk 1:70

Eriar langka oglou Ida Tapolngon due ila osep napaprangan ina ka isak itau itau lokono aitno lisak deka tiwai ila pelengon.

Luk 16:16

“Osep tinapapra Moses ila sogongon e osep napaprangan ina urok sogongon la lama alo ka Jon polou. E nogrum ke alo ka Jon polou me ke oku ane nganapapra omon itau ka la ke omur ka Ida Tapolngon plaue e osep arit isak lokono ma tikaranga tisep ke omur tonari.

Luk 16:29

E Abraham koli wai ke iye langane. ‘Aurou. Moses ila sogongon e osep napaprangan ina urok sogongon dong. Ma tiklingen ke isak.’

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Aposel 10:43

Oglou osep napaprangan ina keniye tiwai ine langane. ‘Osep ka pula keniye ka aitno lisak dagar ke iye ma iye due urok elio epmes ina noklok la batne ke iye tona.’”

Aposel 13:15

Tidong ine deka gute ka plau osep Yuda ina urok duningen ina ninu tonari ritim Moses ila sogongon e osep napaprangan ina urok sogongon e osep keniye tiklingen ine. Gute tonari due langane yagos deka wai ke Pol gosok sisrok langane. “Langka umawaiki umakar pelengon gesa ke imi ka lua imi deka umawai ine.”

Aposel 15:5

E osep Farisi ina leklou ka aitno lisak dagar ke Yesus kodong tivri e tiwai langane. “Wan ka itau imawaiki umapalongo osep ari ka aitno lisak dagar ke Yesus ma tididi elio ulangngan ina e tididi Moses ila sogongon keniye ka oglou iye kare ke imi.”

Aposel 19:23

Alo ari osep pula ka tidong ke Efesus aitno lisak soulu e amnga kesua osep pula tididi elio oku ina.

Aposel 19:9

Osep pula tiklingen Pol ila pelengon e osep leklou tiwai apok ke iye ke osep pula amtarsak. Tipono aitno lisak e tiwai soulu lokono ke elio oku ina ka Pol napapra ke isak. Pol vati urok elio soulu deka iye gosok Yesus ila disaipel tisongon osep tonari. E isak kla ke gute Tiranus ila ninu ka iye nasi osep ine. E ke oklou kene kene tiwai Ida Tapolngon ila pelengon ke osep ari.

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Aposel 24:22

Feliks ka ile omur ke elio oku ina klingen Pol ila pelengon yagos deka wai langane. “Itomtong ke elio ane la lama gute Lisias ka osep ola ina inarak plaungan ka mgo me polou ke ite deka ma ngaklingen lumu pelengon blang e ngawade ine.”

Aposel 24:5

Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.

Aposel 25:8

­E Pol tito wai ke Festus langane. “Gute namor emklingen. Ngadar imi osep Yuda ina limem pelengon dagar aling kene gesa kovok. Silang ngadue elio soulu ke Ida Tapolngon ila ninu kovok. E silang blang ngadue elio soulu ke Sisar ka vri mgo ke udo omur kovok.”

Aposel 26:22

Oglou me iding ke eknikane Ida Tapolngon lua ngong e ngadong itau. Deka ngapolou ngavri ane ke umu ka angainmu omba e umu ka angainmu daudeng boto omtomu e ngapalongo lumu ine. Eknikane ngawai ke elio ka oglou kodong osep napaprangan ina e Moses tiwai ma polou.

Aposel 26:27

Deka Pol wai ke gute Agripa langane. “Gute Agripa ka emvri mgo ke omur gesa aitno lugom dagar ke osep napaprangan ina urok pelengon koke aurou? Ngaile aitno lugom dagar ine.”

Aposel 26:4

“Oglou me iding ke eknik-ane osep Yuda ina tile omur ke ngong. Tile ngong alo ka ngong dau agau e ngadong ke lou omur batne. E tile omur ke alo ka ngong agau e ngadong ke Jerusalem blang.

Aposel 26:6

­Eknikane ngapolou ngavri ke emtem kesua aitno lungong dagar lokono e ngapara ke Ida Tapolngon ila promis ka oglou ari iye wai dagar ke limem seia.

Aposel 28:22

E imi ane imawaiki imeklingen lem pelengon ma imeile aitno lugom. Kesua osep ka pula keniye tiwai soulu ke osep ka tididi elio oku ina.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 5:30

Oglou umodue agegeng ke Yesus e umenilim kamla e limla ke ina akai deka iye mana ine e mete. Iye mete deka udo seia Inarak Tapolngon ila arit due Yesus poga tito ke ina denga.

Aposel 7:32

‘Ngong lem seia Inarak Tapolngon. Ngong Abraham e Aisak e Jekop Inarak Tapolngon.’ Moses klingen ila pelengon deka iye nakarkar omba e waiki bitna vati omur kovok kesua iye lim ke iye.

Aposel 9:2

E iye wai langane. “Omsogo pas leklou ma ngakalke isak ngala ke osep Yuda ina urok duningen ina ninu ninu ka tidong ke armok Damaskus.” Deka gute loulou ina tonari sogo ila pas leklou ka wai langane. “Langka gute Sol pado osep arang e apmang ka tididi elio oku ina ma iye pou isak e paur isak time ke Jerusalem.” Iye sogo langane deka kar pas ke Sol.

Pas ka Pol sogoe uti la ke osep Rom ina 1:9

Eknikane aitno lu-ngong la dagar ke Ida Tapolngon lokono deka ngaboko dagar lokono ma ngapaur ila omon itau ka la ke Otno Arang Yesus la ke osep pula. Ida Tapolngon ile omur oklou aling aling ngawai itau ke iye e ngapmi iye ma iye lua umu. E ngapmi iye ma iye didi aitno e lua ngong blang ma mase ngapolou ke umu.

Pas ka Pol sogoe uti la ke osep Rom ina 3:21

E eknikane Ida Tapolngon nis itosep malak ke elio ka iye due ite itopolou itau e osuk ke bitna. Moses ila sogongon karanga due osep ma tipolou itau e osuk ke Ida Tapolngon bitna kovok. E elio ka osep tipolou itau e osuk ke Ida Tapolngon bitna didi pelengon silang blang ka oglou Moses e osep napaprangan ina tisogo ine.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

Galesia 5:20

E osep tilotuim sapingen e tidue muso e tidue burwa e aitno lisak engil e tidue amnga e aitno lisak soulu. E tingale gute silang ila wan e aitno lisak vri ke isak tona e orsak mluk pulu e tidardar ke osua osua.

2 Timoti 1:3

Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.

Taitus 3:10

Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”