Aposel 23:9 - Aria New Testament

⁹ Osep tonari tidaiku e tiwai pula ine. Deka osep leklou ka isak osep Farisi ina ka tile itau ke Moses ila sogongon tivri e tiwai dagar langane. “Imavati gute ane e aitno limi mter iye dar pelengon dagar gesa kovok. Langka ensel gesa koke gute gesa ano wai ke iye ma itousine?”

Aposel 23:9 ပူးပေါင်းရင်းမြစ်များ

Mak 2:16

E osep ka tile itau ke Moses ila sogongon ka isak osep Farisi ina tivati elio ka Yesus dong ngen ina ngangon kap osep ka tidue takis e osep epmes ina. Deka tiwai ke ila disaipel langane. “Ina lange gute Yesus dong ngen ina ngangon kap osep ka tidue takis e osep epmes ina?”

Luk 23:22

E aling eklu ina Pailot wai ke isak langane. “Ina lange ma iye mete? Iye due elio soulu lange? Ngaklingen ila pelengon e aitno lungong mter ila elio soulu dong ke iye ma iye mete ine kovok. Ma ngawai ke osep tiules iye deka ngasongon iye la.”

Luk 23:4

Deka Pailot wai ke osep loulou ina ka omba e osep pula pula langane. “Ngaklingen lumu pelengon e aitno lungong mter lumu sinngen elio ke gute ane batne dong kovok.”

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Jon 12:29

E osep pula pula ka tivri are tiklingen kreine wai. Osep leklou tiwai aragu nogrum e osep leklou tiwai ensel gesa wai ke iye.

Aposel 11:17

Deka ngavati Ida Tapolngon kar Ano Itau ke osep tonari eriar langka oglou iye kar iye ke ite ka aitno lite la dagar ke Ida Puda Yesus Krais. Ari aitno lungong langka ngong sei ma ngadangdang Ida Tapolngon ine?”

Aposel 22:6

“Alo ari dau ngadidi ekreng ka la ke Damaskus. Ngapolou olwo boto ke Damaskus langka oklou airavu e lokono bublongon ka mana ke sirva bublo omba e duru lelei ngong.

Aposel 22:7

E ngagene ke taklak e ngaklingen gute gesa wai langane. ‘Sol Sol ina lange omdue agegeng ke ngong?’

Aposel 23:29

E ngapmi isak ke urok sinngen elio ma ngaile omur ine. E tikoli tiwai iye dar urok pelengon dagar. E ngaile omur iye dar pelengon dagar gesa ka vri ke iye langka itodue la dong ke kalabus koke itomluk iye ma iye mete ine kovok.

Aposel 23:8

Alo ari osep Sadyusi ina tiwai gute ka mete e ano la iye poga tito ke ina denga kovok. Tiwai ensel tidong kovok e osep ansak tidong kovok. E osep Farisi ina tiwai langka osep timete mase ma tipoga titito ke inarak denga. Silang tiwai ensel tidong e osep ansak tidong.

Aposel 25:25

Ngawade gute ane ila elio kodong e ngaile ila elio gesa vri ke iye langka itemter iye ma iye mete ine kovok. E iye tona wai iye waiki polou ke Sisar bitna ma Sisar klingen ila pelengon. Deka ngawai ma iye la polou ke Rom ma Sisar klingen ila pelengon.

Aposel 26:31

­E isak keniye tipolou ke eliang tonari e tiwai pulu langane. “Gute Pol ila elio vri ke iye ma iye dong ke kalabus e mete ine kovok.”

Aposel 27:23

Ngawai langane kesua ke epmes Ngau Tapolngon ka iye ngau gute e ka ngalotuim iye pagei ila ensel gesa polou ke ngong e vri ke galna lungong.

Aposel 5:39

E langka tididi Ida Tapolngon aitno itakaranga itadangdang isak ine kovok. Lama itapara pulu kap Ida Tapolngon.”

Aposel 9:4

Deka Sol gene duru ke taklak e iye klingen gute gesa wai langane. “Sol Sol ina lange omdue agegeng ke ngong?”

1 Korin 10:22

Langka itodue langane ma itodue Ida Puda aitno engil ke ite. Aitno lumu lange? Udo arit karanga mole ila arit? Aurou lokono.