Aposel 23:35 - Aria New Testament

³⁵ Deka gute tonari wai ke iye langane. “Alo ka osep ka tisin elio vri ke wom tipolou ma ngaklingen lumu pelengon.” Deka iye wai ke osep ola ina langane. “Umapaur gute ane la dong ke Herot ila ninu e umaplau iye itau.”

Aposel 23:35 ပူးပေါင်းရင်းမြစ်များ

Matyu 2:1

Maria divir Yesus ke armok Betleham ka dong ke omur Judia. Alo ari gute Herot vri mgo ke omur Judia. Maria divir Yesus kodong deka osep ka tile omur ke wan bitna bitna time ke armok Jerusalem. Tisongon urok omur ka dong ke omur ka oklou tito ine e time ke Jeruaslem. Tipolou ine e tiwai langane.

Matyu 2:16

Alo ka Herot ile osep ka tile omur ke wan bitna bitna tiyak iye aitno nevlik omba lokono. Aitno nevlik e iye pagei osep ola ina ke Betleham e ke armok armok ka lelei Betleham ma tidue burwa ke agau arang ka inarak tobor orwo e duru. Iye due langane kesua iye pmi osep ka tile omur ke wan bitna bitna lesen gigimo polou. E iye waiki due burwa ke mimi arang ka titnarak tidivir isak batne ke alo ka osep tonari tivati gigimo polou.

Matyu 2:3

Alo ka Herot ka vri mgo ke omur ari klingen ine aitno mter pula ine e osep ka pula keniye ke Jerusalem aitno lisak mter ine blang.

Matyu 27:27

Deka osep ola ina ke osep Rom ina tidue Yesus sep ke gute ka vri mgo ke osep Rom ina ila ninu e osep ola ina keniye tidong are.

Jon 18:28

Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok.

Aposel 23:30

Mase gute gesa me palongo lou langane. “Osep Yuda ina tilalo pelengon ma tidue burwa ine.” Ngaklingen ine deka lokono ngapagei iye polou ke wom. Silang blang ngakar osep ka tisin elio vri ke iye pelengon ma tipolou ke emtem ma emklingen urok pelengon.

Aposel 24:1

Osep tiplau Pol ke Herot ila ninu la lama oklou elme mela yagos deka ari gute Ananaias ka gute loulou ina ka mgo gosok osep Yuda ina urok osep namormor leklou tisongon Jerusalem e tiduru tipolou ke Sisaria. Alo ari gute Tertulus ka ile omur ke osep Rom ina urok pelengon dagar me kap isak ma iye gosok osep tonari tisin elio vri ke Pol ke Feliks bitna.

Aposel 24:10

Osep tiwai langane deka Feliks otuk ine nemit la ke Pol ma iye wai. Deka Pol tito wai langane. “Gute namor. Ngaile oglou me iding ke eknikane amwade osep urok elio kodong. E eknikane aitno lungong itau ke elio ka ngapolou ke emtem ma emklingen lou pelengon.

Aposel 24:19

Ari osep Yuda ina leklou ka time ke omur Esia tipolou ke ngong e tikis ngong dagar. Langka osep tonari tiwaiki tisin elio vri ke ngong ma time tipolou ke emtem e eknikane emklingen urok pelengon. Are elio itau. E tidong ge?

Aposel 24:22

Feliks ka ile omur ke elio oku ina klingen Pol ila pelengon yagos deka wai langane. “Itomtong ke elio ane la lama gute Lisias ka osep ola ina inarak plaungan ka mgo me polou ke ite deka ma ngaklingen lumu pelengon blang e ngawade ine.”

Aposel 24:23

Deka Feliks wai ke gute ka plau osep ola ina buno kene langane. “Amplau gute ane itau e omsongon iye lila sasi boto. E langka sisrok tiwaiki time ma tikere iye deka amdangdang isak ine kovok.”

Aposel 25:16

Deka ngapalongo urok e ngawai langane. ‘Aurou. Imi osep Rom ina limem elio langane. Langka osep tisin elio vri ke gute gesa io gute tonari ma wai ila pelengon ke osep tonari amtarsak mgo. E imeklingen ke iye ma imeile omur ine.’