Aposel 22:5 - Aria New Testament

⁵ Alo ari gute loulou ina ka mgo e osep kaunsil ina tile omur ke lou elio langare. E tisogo pas gesa e tikare ke ngong ma ngakalke la ke sudo ka tidong ke Damaskus. Ari ngakalke pas ka tisogoe e ngala ke Damaskus kesua ngawaiki ngakis osep ka tididi elio oku ina dagar ma time ke Jerusalem e osep tiules isak.”

Aposel 22:5 ပူးပေါင်းရင်းမြစ်များ

Luk 22:66

Alo ka oklou tito osep namormor e osep loulou ina ka omba e osep ka tile itau ke Moses ila sogongon tiduni pulu ke urok duningen ina ninu e osep tipaur Yesus ke amtarsak. E tiwai ke iye langane.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 2:29

Pita wai Devit ila sogongon tonari yagos deka wai langane blang. “Sipmi. Ngawai malak ke umu ma umeile omur ine. Oglou ari udo eia Devit dong la lama ila maglakngan yagos deka iye mete. Iye mete deka osep tiyas iye ke ina denga. E eknikane ina denga dau dong.

Aposel 22:1

“Ngau saiver e silivou umo-klingen lou pelengon ane. Ngawaiki ngapalongo lumu ke lou elio ma umeile omur elio soulu dong ke ngong kovok.”

Aposel 23:1

Deka Pol bitna nekek ke osep kaunsil ina e wai ke isak langane. “Sipmi umoklingen. Ke oglou me iding ke eknikane ke Ida Tapolngon bitna ngadidi ila pelengon e aitno lungong kro ke lou elio gesa kovok.”

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 26:10

Ari ngadue elio langane ke Jerusalem e ngala ngapolou ke osep loulou ina ka omba e tikar urok pelengon ke ngong e ari ngala ngadue Ida Tapolngon ila osep ma ngapaur isak tisep ke kalabus e tidong ine. Silang blang alo ka osep tidue burwa ke isak aitno lungong kene ke elio are.

Aposel 26:11

Aling pula ngala ngapolou ke limem duningen ina ninu bitna bitna e ngatok osep ma tipul dogur ke Inarak Puda. Alo ari aitno lungong engil pula e ngala ke armok leklou blang ka mawa ma ngadue agegeng ke osep ka aitno lisak dagar ke Yesus.”

Aposel 26:12

“E osep loulou ina ka omba tikar pelengon e arit ke ngong deka ngala ke Damaskus.

Aposel 28:17

Pol dong ke Rom oklou eklu mela yagos deka iye gi osep Yuda ina urok osep namormor ka tidong ke armok ma time tiduni pulu kap iye. Deka osep tonari tiduni pulu kap Pol e iye wai ke isak langane. “Sipmi. Umoklingen lou pelengon. Oglou ngadue elio soulu ke itosep Yuda ina sudo gesa kovok e ngadar udo seia urok apu gesa kovok. Lama ngadue elio soulu langane kovok osep Yuda ina tidue ngong ngasep ke kalabus ke Jerusalem. E tipaur ngong ke osep Rom ina limsak.

Aposel 28:21

E osep tonari tikoli tiwai langane. “Imi ane imeile ine kovok kesua osep ka tidong ke omur Judia tipagei pas gesa me polou ke imi ine kovok. Silang blang gute kene ka omur Judia ina me polou ke imi e palongo limem ke wom kovok. E silang blang langka omdue elio soulu ke isak tiwai ine kovok.

Aposel 3:17

“Sipmi. Ngaile langane. Oglou umogosok lumu osep ngongle umodue elio soulu ke Yesus batne umeile iye itau kovok. Aurou. Aitno lumu kaka ke iye.

Aposel 4:5

Deka ke kotkotu osep Yuda ina ka ngongle e ka osep plaungan ina tigosok osep ka tile itau ke Moses ila sogongon tiduni pulu ke Jerusalem.

Aposel 5:21

Kotkotu lokono polou deka osep aposel kla ke Ida Tapolngon ila ninu e tisep ke omur ka lelei ninu deka tinapapra osep ka tidong ine ke Yesus ila omon itau eriar langka ensel wai ke isak ine. Alo ari gute loulou ina ka mgo gosok sisrok tiduni pulu kap osep kaunsil ina e osep Yuda ina urok osep ngongle. Deka tipagei osep ka tiplau Ida Tapolngon ila ninu ke kalabus ma tidue osep aposel e tipaur isak tipolou ke amtarsak.

Aposel 9:14

Osep loulou ina ka omba tikar arit ke iye ma iye pou osep keniye ka aitno lisak dagar ke wom e tiwai itau ke wom e tisir angain wom.”

Galesia 1:13

Umoklingen pelengon ko-dong ke elio ka oglou ngadue. Umeile ngadidi osep Yuda ina inarak apu lokono e ngadue agegeng ke Ida Tapolngon ila osep. E ngadue agegeng omba ke sios.

Filipai 3:6

Ngaboko engil ma ngawaiki ngadue Ida Tapolngon ila bokongon deka ngadue agegeng ke Yesus ila osep. Deka langka osep tididi Moses ila sogongon e tiwade lou elio isuk isuk ma tile lou elio vri ke ngong kovok.

1 Timoti 4:14

Ida Tapolngon kar kerengen ke wom alo ka osep plaungan ina tidue limsak timunu ke epem. Deka ma omboko ulik ulik ke kerengen tonari kovok. Kesua alo are tinapapra ma omdue Ida Tapolngon ila bokongon.