Aposel 22:1 - Aria New Testament

¹ “Ngau saiver e silivou umo-klingen lou pelengon ane. Ngawaiki ngapalongo lumu ke lou elio ma umeile omur elio soulu dong ke ngong kovok.”

Aposel 22:1 ပူးပေါင်းရင်းမြစ်များ

Luk 12:11

“E alo ka osep tipaur umu ke duningen ina ninu e umodong ke osep plaungan ina e osep gavman ina amtarsak aitno lumu kro ke pelengon ka ma umawai ke isak koke wan ka umodue kovok.

Luk 21:14

Deka langane. Ke mgo aitno lumu mter pula ke pelengon ka ma umawai ke isak ine kovok.

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 19:33

Deka osep Yuda ina tisodung gute Aleksander polou ke osep amtarsak e iye kamadu isak e waiki kar pelengon gesa ke isak.

Aposel 23:1

Deka Pol bitna nekek ke osep kaunsil ina e wai ke isak langane. “Sipmi umoklingen. Ke oglou me iding ke eknikane ke Ida Tapolngon bitna ngadidi ila pelengon e aitno lungong kro ke lou elio gesa kovok.”

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 24:10

Osep tiwai langane deka Feliks otuk ine nemit la ke Pol ma iye wai. Deka Pol tito wai langane. “Gute namor. Ngaile oglou me iding ke eknikane amwade osep urok elio kodong. E eknikane aitno lungong itau ke elio ka ngapolou ke emtem ma emklingen lou pelengon.

Aposel 25:16

Deka ngapalongo urok e ngawai langane. ‘Aurou. Imi osep Rom ina limem elio langane. Langka osep tisin elio vri ke gute gesa io gute tonari ma wai ila pelengon ke osep tonari amtarsak mgo. E imeklingen ke iye ma imeile omur ine.’

Aposel 25:8

­E Pol tito wai ke Festus langane. “Gute namor emklingen. Ngadar imi osep Yuda ina limem pelengon dagar aling kene gesa kovok. Silang ngadue elio soulu ke Ida Tapolngon ila ninu kovok. E silang blang ngadue elio soulu ke Sisar ka vri mgo ke udo omur kovok.”

Aposel 26:24

Pol wai langane deka Festus koli wai omba langane. “Pol wom manga manga lokono. Omdue skul pula e lem ilengen ka ombatno due wom manga manga lokono.”

Aposel 28:17

Pol dong ke Rom oklou eklu mela yagos deka iye gi osep Yuda ina urok osep namormor ka tidong ke armok ma time tiduni pulu kap iye. Deka osep tonari tiduni pulu kap Pol e iye wai ke isak langane. “Sipmi. Umoklingen lou pelengon. Oglou ngadue elio soulu ke itosep Yuda ina sudo gesa kovok e ngadar udo seia urok apu gesa kovok. Lama ngadue elio soulu langane kovok osep Yuda ina tidue ngong ngasep ke kalabus ke Jerusalem. E tipaur ngong ke osep Rom ina limsak.

Aposel 7:2

Deka Stiven koli wai langane. “Sipmi e silivou umo-klingen lou pelengon ane. Oglou ari udo apa Abraham dong ke omur Meso-potemia e ari iye dau la ke omur Haran kovok. Deka Ida Tapolngon ka ila arit omba polou ke iye.

Pas ka Pol sogoe uti la ke osep Rom ina 2:15

­Osep tonari urok elio isuk isuk nis itosep Moses ila sogongon dong ke osep aitno lisak kodong. Kesua aitno lisak mter urok elio isuk isuk ka itau isak elio itau. E silang blang langane. Aling leklou aitno lisak wai lisak kensak kensak langane. “Osep umodue elio soulu.” E aling leklou aitno lisak wai ke isak kensak kensak langane. “Osep umodue elio itau.”

1 Korin 9:3

Osep leklou tiwade lou elio e ngakoli urok pelengon langane.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

2 Korin 7:11

Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

Filipai 1:17

E osep leklou tonari tinapapra Krais ila omon itau kesua batne tiwaiki tikakai isak tona angainsak e aitno lisak mter itau kovok. E tiwaiki tidue wan ka opru ngong alo ka ngadong ke kalabus.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

2 Timoti 4:16

Mgongon alo ka ngavri ke kot osep ka pula keniye tisongon ngong e gute gesa vri kap ngong e lua ngong ke lou pelengon kovok. E ngawaiki Ida Puda koli batne ke osep tonari urok elio kovok.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.