Aposel 21:40 - Aria New Testament

⁴⁰ Osep ola ina inarak plau-ngan ka mgo klingen Pol ila pelengon deka koli wai langane. “Ma amwai ke isak.” Deka Pol vri ke singen e kamudu osep ka tivri moli e isak keniye tiwai kovok deka iye wai ke isak ke pelengon Hibru langane.

Aposel 21:40 ပူးပေါင်းရင်းမြစ်များ

Luk 23:38

E tidue sogongon dong egim ke Yesus ka wai langane. “Gute ane gute ka vri mgo ke osep Yuda ina.”

Jon 19:13

Alo ka Pailat klingen urok pelengon iye paur Yesus ke dogur e dong ke ila bota ka iye wade osep ine. Bota tonari dong ke omur ka tisire plua ka opmu ina. E ke pelengon Hibru tisire Gabata.

Jon 19:17

Deka osep ola ina tidue Yesus e tipaur iye tisongon armok e Yesus kalke ina akai. E isak kla ke omur ka tisire omur ka baraine erine e ke pelengon Hibru tisire Golgota.

Jon 19:20

E osep Yuda ina pula tiritim sogongon tonari kesua omur ka Yesus mana ine dong olwo boto ke armok e Pailat sogo sogongon ke pelengon eklu. Iye sogo ke pelengon Hibru e ke osep Rom ina urok pelengon e ke pelengon Grik.

Jon 5:2

Ke ari ka lelei Jerusalem ekreng bitna kene dong ka angaine sipsip ina ekreng bitna. E olwo boto ke ekreng tonari aki ina ovuk omba dong ka angaine ke pelengon Hibru Betesda e opos elme tidong olwo boto ke aki ina ovuk tonari.

Aposel 1:19

Osep Jerusalem ina tile elio ka polou ke Judas deka tisir omur tonari omur Akeldama. Angaine Akeldama lana ine omur ka marau ina.

Aposel 12:17

Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 13:16

Deka Pol tito vri e kamudu isak deka wai langane. “Umu ka osep Israel ina e umu ka osep Israel ina kovok ka aitno lumu la ke Ida Tapolngon umoklingen lou pelengon.

Aposel 19:33

Deka osep Yuda ina tisodung gute Aleksander polou ke osep amtarsak e iye kamadu isak e waiki kar pelengon gesa ke isak.

Aposel 21:35

Osep ola ina tipaur Pol iding ke ninu tonari ina singen e osep pula tididi isak e aitno lisak engil pula ke Pol. E osep ola ina tikalke iye tito ke singen lama osep tipaiavu iye.

Aposel 22:2

Osep tiklingen Pol wai ke isak ke pelengon Hibru deka urok pelengon mete e Pol wai ke isak blang langane.

Aposel 26:14

E ngagosok sipmi imegene ke taklak e ngaklingen gute gesa wai ke ngong ke pelengon Hibru langane. ‘Sol Sol ina lange omdue agegeng ke ngong? Ane langka omuri kevep ke akai ka bitna tei e omdue pogle ke wom tona vala.’

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Pelengon kukwopngon 16:16

Deka angelo soulu tonari tigom osep plaungan ina tonari ma tiduni pulu ke omur ka tisire ke pelengon Hibru Armagedon.

Pelengon kukwopngon 9:11

Inarak plaungan kene dong mgo ke isak. Inarak plaungan tonari iye ensel ka plau ovuk ka duru la moli lokono. Ke pelengon Hibru tisir ensel tonari angaine Abadon. E ke pelengon Grik tisir iye Apolion ka lana ine langane. Gute ka due agegeng ke wan.