Aposel 21:34 - Aria New Testament

³⁴ Osep tiklingen ila pelengon e osep leklou leklou tikoli pelengon bitna bitna. Tiwai pelengon bitna bitna e osep ola ina inarak plaungan ka mgo karanga klingen ine itau kovok. Deka iye wai ke osep ola ine langane. “Umapaur gute ane ma iye la polou ke udo ninu.”

Aposel 21:34 ပူးပေါင်းရင်းမြစ်များ

Aposel 19:32

Osep ka tiduni pulu aitno lisak kaka e osep leklou tidaiku pelengon kene e osep leklou tidaiku pelengon silang. Osep pula ka tiduni pulu ari tile urok elio batne kovok e tidue vala.

Aposel 21:37

Osep ola ina tiwaiki tidue Pol la sep ke ninu aitno deka Pol wai ke inarak plaungan ka mgo langane. “Umawaiki ngawai pele-ngon gesa uti ke umu koke aurou?” Deka iye koli wai langane. “Ua. Emile pelengon Grik?

Aposel 22:24

Deka osep ola ina inarak plaungan ka mgo wai dagar ke osep ola ina leklou langane. “Umodue gute ane sep ke udo ninu deka umoules iye pula e umepmi iye ke ila pelengon. Iye wai lange deka osep aitno lisak nevlik amnga e tidaiku omba ke iye? Ngawaiki ngaile omur ine.”

Aposel 22:30

Oklou silang osep ola ina inarak plaungan ka mgo waiki ile omur batne lange osep Yuda ina aitno lisak engil ke Pol. Deka iye wai ke osep ola ina langane. “Umosongon Pol.” E gute tonari vai omon ke osep loulou ina ka omba ma tigosok osep kaunsil ina time tiduni pulu. Osep tiklingen ila pelengon deka tiduni pulu e osep ola ina inarak plaungan ka mgo paur Pol me vri ke osep tonari amtarsak.

Aposel 23:10

Ari osep tikot pulu omba deka osep ola ina inarak plaungan ka mgo vati elio ane e iye lim ine. Kesua iye ulou tarna langka osep tipi pulu Pol ma Pol pampamu ine notrum e ma iye mete. Deka iye wai ke osep ola ina langane. “Umala umoduru umepi Pol ke isak deka umapaur iye ke limem ninu.” Deka osep ola ina tididi ila pelengon.

Aposel 23:16

E Pol ila agau klingen osep tonari urok pelengon e iye la polou ke osep ola ina urok ninu e sepe deka palongo Pol ine.

Aposel 23:32

E oklou silang osep ola ina tibauluk ke urok ninu ka dong ke Jerusalem e osep ka tidong ke hos e kla ine tisongon Antipatris ma tipaur Pol ke armok Sisaria.

Aposel 25:26

E eknikane ngausine? Ma ngasogo lange ine e ma lou pas uti la polou ke gute ka vri mgo Sisar? Umoklingen. Eknikane ngadue gute ane polou ke wom Agripa emtem e umu keniye ka umodong ane omtomu blang. Ma umoklingen gute ane ila pelengon mgo e mase ma ngasogo lou pas ine.