Aposel 21:33 - Aria New Testament

³³ E osep ola ina inarak plaungan ka mgo polou ke Pol e tikis iye dagar. E iye wai ke osep ola ina langane. “Umodue sen orwo e umopou iye ine.” Deka iye pmi osep pula langane. “Gute ane iye sei? Iye due sua?”

Aposel 21:33 ပူးပေါင်းရင်းမြစ်များ

Aposel 12:6

Pita dau dong ke kalabus aitno deka ke oklou ka me Herot waiki Pita polou ke osep pula amtarsak. Epmes polou deka Pita munu kudung airavu ke osep ola ina orwo. Ari tipou sen orwo ke Pita limla orwo e tipou limsak ine blang. Osep ka tiplau kalabus tonari ina ekreng bitna tivri ine e tiplaue itau.

Aposel 20:23

E dau ngaile langane. Ano Itau wai ke ngong e ngaile omur ma osep tidue agegeng ke ngong e ma tidue ngong ngasep ke kalabus blang.

Aposel 21:11

Iye polou ke imi e due Pol ina let deka pou iye tona limla e kamla ine deka wai langane. “Eriar langka ngapou ngong ke let ane ma osep Yuda ina tipou let ane ina gute langane ke Jerusalem. Deka ma tipaur iye la ke osep ka isak osep Yuda ina kovok. Ngawai langane kesua Ano Itau wai ke ngong ine.”

Aposel 22:29

Pol wai langane deka lokono osep ari ka tiwaiki tipmi iye ke ila pelengon batne tinekrik tipolou. E osep ola ina inarak plaungan ka mgo ano nesik kesua osep ola ina tipou Pol ka iye gute Rom ina gesa ke sen.

Aposel 22:30

Oklou silang osep ola ina inarak plaungan ka mgo waiki ile omur batne lange osep Yuda ina aitno lisak engil ke Pol. Deka iye wai ke osep ola ina langane. “Umosongon Pol.” E gute tonari vai omon ke osep loulou ina ka omba ma tigosok osep kaunsil ina time tiduni pulu. Osep tiklingen ila pelengon deka tiduni pulu e osep ola ina inarak plaungan ka mgo paur Pol me vri ke osep tonari amtarsak.

Aposel 25:16

Deka ngapalongo urok e ngawai langane. ‘Aurou. Imi osep Rom ina limem elio langane. Langka osep tisin elio vri ke gute gesa io gute tonari ma wai ila pelengon ke osep tonari amtarsak mgo. E imeklingen ke iye ma imeile omur ine.’

Aposel 26:29

Deka Pol wai langane. “Langka ngawai dau tauni koke ngawai isuk boto vala eknikane ngawai ke Ida Tapolngon ngawaiki umu keniye ane umopolou eriar langka ngong ngadong. E dau ngawaiki osep tipou umu ke sen e umodong ka kalabus langka ngong kovok.”

Aposel 28:20

Ngagi umu ma itoduni pulu ma ngapalongo lumu ke elio batne ka osep tipou ngong ke sen. Umoklingen. Aitno lungong dagar ke gute ka oglou udo seia tidong dau tauni e tipara ke iye ma iye me lua osep Israel ina. Aitno lungong langane e osep tipou ngong batne aitno lungong dagar ke iye.”

Efesus 6:20

Ngong langka Krais ila gute meriang ina e ngadong ke kalabus ane kesua nganapapra Ida Tapolngon ila omon itau ka iye rere ma ngadue. E umawai itau ke Ida Tapolngon ma ngaulou tarna lungong kovok. Kesua ngawaiki ma ngawai Ida Tapolngon ila omon itau ke osep eriar langka iye waiki ngadue.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.