Aposel 21:27 - Aria New Testament

²⁷ Pol gosok osep apanal tidong la lama oklou lumorwo ka tididi apu tonari olwo boto yagos. E ari osep Yuda ina leklou ka isak kaulei ke omur Esia tivati Pol ke Ida Tapolngon ila ninu. Deka tisruk osep pula aitno lisak e tikis Pol dagar.

Aposel 21:27 ပူးပေါင်းရင်းမြစ်များ

Luk 21:12

E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 18:12

Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Aposel 2:9

Imi osep Partia ina e osep Midia ina e osep Elam ina. E imi leklou imi osep Mesopotemia ina e osep Judia ina e osep Kapadosia ina e osep Pontus ina e osep Esia ina.

Aposel 20:19

­Lama osep Yuda ina tiwaiki tidue agegeng ke ngong e ngakngis pula ine dau ngaboko Ida Puda ila bokongon e aitno lungong mter ke ngong kovok. Aurou.

Aposel 24:11

Amkaranga emile langane. Oglou isuk boto langka oklou songotno orwo ngala ngapolou ke Jerusalem ma ngalotuim Ida Tapolngon e ngadong dau tauni ine kovok. Empmi osep ka tidong ane e ma tiwai langane blang kesua tile omur ine.

Aposel 24:18

Deka alo ka ngadue langane osep Yuda ina tipolou ke ngong. E ngadong itau e eip ke Ida Tapolngon bitna kodong kesua ngadidi parangan ka limem apu yagos kodong. Ari alo ka ngadue langane osep pula tidong kap ngong kovok. Silang blang gute gesa vri kap ngong ka due ngus omba kovok.

Aposel 26:21

Ngadue elio langane e mase osep Yuda ina tikis ngong dagar ke Ida Tapolngon ila ninu. E tiwaiki tidue burwa ke ngong batne ke lou elio ka ngawai ine kodong.

Aposel 4:3

Deka tikis Pita orwo Jon e tipaur isak kla tidong ke kalabus aitno kesua kirui polou kodong. Tiwaiki tidong ine ma kotkotu tiklingen urok pelengon.

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

Aposel 6:12

Osep tonari tisruk osep pula e osep ngongle e osep ka tile itau ke Moses ila sogongon aitno lisak deka aitno lisak soulu lokono ke Stiven. Deka tikis iye dagar e tipaur iye la ke osep kaunsil ina amtarsak.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

2 Korin 11:26

Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.