Aposel 21:22 - Aria New Testament

²² Ma osep tonari tiklingen omon ompolou ke imi ane e ma imousine?

Aposel 21:22 ပူးပေါင်းရင်းမြစ်များ

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 19:32

Osep ka tiduni pulu aitno lisak kaka e osep leklou tidaiku pelengon kene e osep leklou tidaiku pelengon silang. Osep pula ka tiduni pulu ari tile urok elio batne kovok e tidue vala.

Aposel 21:21

Osep tonari aitno lisak kro kesua tiklingen omon gesa ka la ke lem parerengen. Tiklingen omon amparere osep Yuda ina ka tidong kap osep ka isak osep Yuda ina kovok amwaiki ma tididi Moses ila sogongon kovok. Tiwai amwai langane. ‘Umedidi elio ulangngan ina ke titopmu kovok e umedidi ite osep Yuda ina udo apu kovok.’

Aposel 21:23

Ma imawai ke wom ine. Eknikane imawaiki emklingen limem pelengon langane. Sipmi apanal tidong ka tiwai dagar ke Ida Tapolngon kodong ke elio ka tididie.

1 Korin 14:15

Deka ma ngadue sua? Ma ngawai itau ke anngong e ngawai itau ke aitno lungong blang. E ma ngadue sakul ke anngong e ngadue sakul ke aitno lungong blang.