Aposel 21:13 - Aria New Testament

¹³ E Pol koli wai langane. “Ina lange umekngis ke ngong e umodue aitno lungong kro? Langka osep tiwaiki tipou ngong koke tidue burwa ke ngong ke Jerusalem batne ke Ida Puda Yesus ma tidue langane e ma ngadong vala.”

Aposel 21:13 ပူးပေါင်းရင်းမြစ်များ

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 20:37

Tiwai itau yagos deka tikngis ke Pol e tiberber iye.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Aposel 9:16

Ma nganis iye ke elio soulu pula ka mase iye ma namani kesua batne iye due lou bokongon.”

1 Korin 15:31

Sipmi. Aitno lungong langka oklou aling aling osep tiwaiki tidue burwa ke ngong batne ke lou bokongon. Ite ka pula keniye itodong ke Ida Puda Yesus ila osua deka aitno lungong neser omba ke umu. E ngabisi pelengon ane ke umu kovok.

Filipai 2:17

Aitno lumu ila dagar iye langka elio opmu ina ka umodue ke Ida Tapolngon. E langka osep timluk ngong ngamete e ngau marau baser langka oglou osep tibaser aki wain ke wan ka tidue elio opmu ina ine are wan gesa kovok. Ma aitno lungong neser e ngawaiki aitno lumu neser ine blang.

Filipai 2:26

E eknikane aitno kro ke umu e iye waiki vati umu blang kesua umoklingen omon iye paia e aitno kro ke omon ka umoklingen ine.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

2 Timoti 1:4

Omtongu sisir langka emkngis alo ka itosongon pulu e ngawaiki ngavati wom blang e ngapara ine. Ma aitno lungong neser omba alo ka ngavati wom blang.

2 Timoti 4:6

Emile isuk boto ma ngamete e ngasongon umu. Osep ma timluk ngong e ngau marau baser langka aki wain ka osep tibasere ke wan ka tidue elio opmu ina ine.

2 Pita 1:14

E ngaile isuk boto ma ngamete. Ida Puda nis ngong ine kodong.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.