Aposel 20:7 - Aria New Testament

⁷ E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.

Aposel 20:7 ပူးပေါင်းရင်းမြစ်များ

Mak 16:9

*Yesus poga tito ke ina denga ke kotkotu lokono ke oklou mgongon ina ke wik. Deka mgongon iye la polou ke Maria ka Makdala ina ka oglou iye sapir angelo soulu lumorwo ka tidong ke aitno tipolou kla.

Luk 22:19

E iye due bret e wai tenkyu ke Ida Tapolngon ine e tuktuke e kare ke isak e wai langane. “Bret ane pampamu lungong ka ngakare ma lua umu. Aling aling alo ka umengen bret langane omtomu sisir ke ngong.”

Luk 24:35

Deka osep orwo tonari tipalongo urok ke wan ka polou ke isak alo ka tididi ekreng. E ke elio ka tile iye Yesus alo ka iye tuktuk bret.

Jon 20:1

Ke oklou kene ina ke wik Maria ka armok Makdala ina la polou ke Yesus ina denga. Iye polou alo ka dau aivoro e isuk boto kotkotu lokono e iye vati opmu omba ka oglou kading denga bitna kadinge kovok.

Jon 20:19

Epmes polou ke oklou tonari ka Sande e Yesus ila disaipel tidiva ekreng bitna ke ninu ka tidong ine. Tidiva ekreng bitna kesua tiulou tarna lisak ke osep Yuda ina. E Yesus polou e vri airavu ke isak e wai ke isak langane. “Aitno lumu dong epen.”

Jon 20:26

Mase oklou epmes lumorwo mela yagos e ila disaipel tidong ke ninu e Tomas dong kap isak blang. E tidiva ekreng bitna e Yesus polou airavu ke isak e wai langane. “Aitno lumu dong epen.”

Aposel 16:10

Pol vati ano yagos deka lokono imekere limem wan ma imala ke omur tonari. Kesua aitno limi mter Ida Tapolngon waiki imala ke omur tonari ma imanapapra Yesus ila omon itau ke osep are.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 20:11

Deka Pol bauluk tito la ke eliang ka egim blang e iye tuktuk bret kap osep deka tingene. Deka iye dong tauni ke ila pelengon blang la lama kotkotu lokono e iye songon isak e la.

Aposel 20:31

E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”

Aposel 20:5

Osep ane timgo ke imi e tipolou ke armok Troas deka tipara ke imi.

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

1 Korin 10:16

Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 16:2

Ke Sande kene kene umu kenmu kenmu umotuk lumu mani ka umawaiki umolua osep ine. Deka umodue mani tonari dong para ke alo ka ngauti ke umu.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Pelengon kukwopngon 1:10

Tisapir ngong ngadong ke aidunu Patmos deka ke oklou gesa ka Ida Tapolngon ila osep tiduni pulu ine Ano Itau polou dagar ke ngong e ke dogur ngong ngaklingen gute kreine wai dagar langka kuliep wai.