Aposel 20:4 - Aria New Testament

⁴ Ari Pirus otno arang Sopater ka gute Beria ina la kap iye. E gute Aristarkus e gute Sekundus ka isak osep Tesalonaika ina tigosok iye. E gute Gaius ka gute Derbe ina gosok iye. E gute Timoti blang gosok iye. E gute Tikikus orwo gute Trofimus ka provins Esia ina tigosok Pol blang. E isak keniye kla.

Aposel 20:4 ပူးပေါင်းရင်းမြစ်များ

Aposel 14:20

Deka Yesus ila disaipel tiduni pulu lelei iye deka iye poga tito e la ke armok blang. Iye dong ine la lama oklou silang deka iye orwo Barnabas tisongon Listra e isak kla ke Derbe.

Aposel 14:6

Pol orwo Barnabas tile omur ke osep tonari aitno lisak deka tiulou kla ke omur Likonia. Deka tidong ke Listra e Derbe e ke omur ka lelei armok orwo tonari.

Aposel 16:1

Pol e Sailas isak kla tipolou ke Derbe e ke Listra. E ke Listra tisoson gute Timoti ka iye Yesus ila disaipel gesa. Osep Kristen ka tidong ke Listra e Aikoniam tiwai Timoti iye gute ka ila elio itau. Timoti tna apmang Yuda ina ka aitno dagar ke Yesus e timla gute Grik ina.

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 17:1

Pol orwo Sailas isak kla ke armok Amfipolis e armok Apolonia. E mase tipolou ke armok Tesalonaika ka osep Yuda ina urok duningen ina ninu gesa dong ine e tidong ke armok tonari.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 19:29

Tiwai dagar langane deka dau tauni kovok osep pula aitno lisak nevlik e tidaiku omba ine. E osep pula tikis dagar gute Gaius orwo gute Aristarkus ka isak kla kap Pol ke ila langan. Isak osep Masedonia ina. E osep pula tigosok osep ka tikis osep orwo kamsak kene tisuong tipolou ke omur ka osep Efesus ina tiduni pulu ine.

Aposel 2:9

Imi osep Partia ina e osep Midia ina e osep Elam ina. E imi leklou imi osep Mesopotemia ina e osep Judia ina e osep Kapadosia ina e osep Pontus ina e osep Esia ina.

Aposel 20:16

Oglou Pol aitno mter ma iye la lelei Efesus. Iye waiki dong ke Esia kovok kesua iye waiki suong polou ke Jerusalem. Ma iye dong ari alo ka tidue rogo ka osep Yuda ina tisire Pentikos.

Aposel 20:18

Alo ka osep tonari tipolou Pol wai ke isak langane. “Umeile omur ke lou elio isuk isuk nogrum ke alo ka mgongon ngapolou ke umu ke Esia. E lou elio isuk isuk ka ngadue oklou aling aling.

Aposel 21:29

Tiwai langane kesua oglou tivati gute Trofimus ka iye gute Efesus ina dong ke Jerusalem e lila kap Pol. E aitno lisak mter Pol paure ke Ida Tapolngon ila ninu.

Aposel 27:2

Deka imesep ke sip gesa ka armok Adramitium ina ka waiki la polou ke armok armok ka tidong ke provins Esia ina dingen batne e imosongon omur imala. Alo ari gute Aristarkus ka ila armok batne Tesalonaika ka dong ke provins Masedonia la kap imi.

Pas ka Pol sogoe uti la ke osep Rom ina 16:21

Lou aten Timoti ka boko kap ngong wai “oklou itau” ke umu. E gute Lusius e gute Jeson e gute Sosipater ka lou osua isak tiwai “oklou itau” ke umu.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 1:19

Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.

Efesus 6:21

Ite lana ite ke gute Tikikus e iye boko dagar ke Ida Puda ila bokongon. Ma iye uti polou ke umu deka ma iye palongo lumu ke lou mosongon. Ma umeile ke lou elio isuk isuk e ke elio bitna bitna ka polou ke ngong.

Filipai 2:19

Langka Ida Puda Yesus aitno itau ine isuk boto ma ngapagei Timoti uti ke umu. Deka alo ka ngaklingen omon ke lumu mosongon ma aitno lungong kro ke umu kovok.

Kolosi 4:10

Gute Aristarkus ka iye dong ke kalabus kap ngong wai “oklou itau” ke umu. E gute Mak ka iye Barnabas ila aidagu wai “oklou itau” ke umu blang. Oglou ngapagei pas uti ke umu ka wai langane. Langka Mak polou ke umu deka aitno lumu itau ke iye e umodue elio itau ke iye.

Kolosi 4:7

Gute Tikikus iye sudo gesa ka imi lana imi ke iye e iye ma palongo lumu ke elio bitna bitna ka tipolou ke ngong. Iye Ida Puda ila gute bokongon ina gesa eriar langka ngong e aling aling iye due ila bokongon itau.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

2 Timoti 1:2

Ngasogo pas ane uti ke wom Timoti ka wom langka erigu ka ngong lana ngong ke wom. Ngawaiki Ida Tapolngon ka Pmada kap Ida Puda Krais Yesus timakai wom e aitno lisak due wom e tidue aitno lugom dong epen.

2 Timoti 4:12

E ngapagei gute Tikikus la ke armok Efesus kodong.

2 Timoti 4:20

Gute Erastus dau dong ke armok Korin e ngasongon gute Trofimus ke armok Miletus kesua iye paia.

Taitus 3:12

Mase ma ngapagei gute Artemas koke gute Tikikus uti ke wom. Alo ka gute polou ma omsuong omo ke ngong ke armok Nikopolis. Kesua ngawaiki nga-dong ke armok tonari la lama taim ka omur epen e engen dagar mela yagos.

Filemon 1:24

E Mak e Aristarkus e Demas e Luk ka imogosok imoboko tiwai “oklou itau” ke wom blang.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.