Aposel 20:35 - Aria New Testament

³⁵ Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

Aposel 20:35 ပူးပေါင်းရင်းမြစ်များ

Matyu 10:8

Umodue osep ka tipaia tipolou itau blang e umodue osep ka timete kodong tipoga titito blang e umodue osep ka paiangan lepra due isak tidong itau blang e umasapir angelo soulu ke osep. Oku ane umodue arit ke ngong adai e umekli ngong ine kovok e ma umakar wan bitna bitna ke osep adai e tikli umu ine kovok blang.

Aposel 20:20

E silang blang langane. Oglou langka pelengon gesa dong ka karanga lua umu nganapaprae ke umu. Nganapaprae ke osep pula amtarsak e ke lumu ninu kene kene.

Aposel 20:27

Kesua oglou nga-napapra Ida Tapolngon ila pelengon keniye ke umu e ngabisi ine kovok.

Aposel 20:34

Umeile omur oglou ngaboko ma lou mani polou dong. E mase ngakli lou wan bitna bitna e ngalua lou saten ka tidong kap ngong ke urok wan bitna bitna blang.

Aposel 20:36

Pol wai ke isak langane deka iye gosok osep keniye tigrum kamsak tiduru ke taklak e tiwai itau ke Ida Tapolngon.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

2 Korin 11:12

Deka lou elio ka ngapang mani ke umu kovok dong. Kesua ngawaiki ngadangdang osep leklou urok pelengon. Tiyakyak e tiwai langka tidue bokongon eriar langka ngadue deka tiwaiki tikakai angainsak ine. E ngawaiki nga-dangdang urok pelengon tonari deka ngapang mani ke umu kovok.

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 12:13

Ngadue elio ke umu eriar langka elio ka ngadue ke sios leklou. E ngadue elio kene ka silang ke umu. Ngapang mani ke umu kovok kesua ngawaiki ngadue wan ka opru umu kovok. E langka lou elio tonari soulu ngawaiki umasak lou elio soulu.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Tesalonaika 4:11

Umoboko engil ma aitno lumu dong epen e umotuk opmu pulu kap osep kovok. E aitno lumu mter ke lumu wan vala kovok. E aitno lumu mter ke osep leklou urok wan bitna bitna. Umoboko ma lumu wan bitna bitna tipolou langka oglou imawai ke umu ine.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 13:3

Omtomu sisir osep ka tidong ke kalabus e aitno lumu mter langka umodong ke kalabus kap isak. E omtomu sisir osep ka agegeng polou ke isak langka agegeng polou ke umu blang.

3 Jon 1:7

Omlua osep tonari kesua isak kla ke urok langan ma tidue Yesus ila bokongon. E tidue wan ka karanga lua isak kovok ke osep ka tile Ida Tapolngon kovok.