Aposel 20:29 - Aria New Testament

²⁹ Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

Aposel 20:29 ပူးပေါင်းရင်းမြစ်များ

Matyu 10:16

“Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Luk 10:3

Umala ke lumu langan. E umoklingen. Umodong langka sipsip titno e ngapagei umu airavu ke osep ka isak langka gemle kevena.

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Jon 10:12

Gute ka boko ke mani vala vati gemle kevena me e songon sipsip e ulou la. Deka gemle kevena ma due sipsip kene e sipsip leklou tidardar kla. Gute tonari ulou la kesua iye boko ke mani vala e iye sipsip inarak plaungan ka iye inarak gute kovok.

Jon 21:15

Alo ka tingen yagos Yesus wai ke Saimon Pita langane. “Saimon wom ka Jon otno arang elio ka wom lana wom ke ngong mole elio ka osep leklou isak lana isak ke ngong?” Deka Pita koli wai langane. “Ee. Ngau Puda emile ngong lana ngong ke wom.” E Yesus wai ke iye langane. “Emkere lou osep ka isak langka sipsip titno itau.”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

1 Pita 5:2

Umaplau Ida Tapolngon ila osep ka iye kar isak ke umu itau langka sipsip inarak plaungan tiplau urok sipsip itau. Aitno lumu itau ke lumu bokongon kesua umawaiki umodue bokongon tonari vala e batne osep tipagei umu ine kovok. E silang blang umodue bokongon tonari batne umawaiki umodue mani ine kovok. Aurou. Umodue kesua umawaiki umedidi Ida Tapolngon aitno e umodue ila bokongon vala.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”