Aposel 20:27 - Aria New Testament

²⁷ Kesua oglou nga-napapra Ida Tapolngon ila pelengon keniye ke umu e ngabisi ine kovok.

Aposel 20:27 ပူးပေါင်းရင်းမြစ်များ

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Jon 15:15

E oku ane ngasir umu lou osep bokongon ina kovok kesua gute bokongon ina ile wan ka ina puda due kovok. Oku ane ngasir umu lou saten e wan ka pula keniye ka ngaklingen ke Livou ngawai ine ke umu.”

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 20:20

E silang blang langane. Oglou langka pelengon gesa dong ka karanga lua umu nganapaprae ke umu. Nganapaprae ke osep pula amtarsak e ke lumu ninu kene kene.

Aposel 20:35

Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

1 Korin 11:23

Pelengon ka ngakare ke umu ngadue ke Ida Puda vala. Pelengon langane. Ke epmes ka Judas lai Ida Puda ina ine Yesus due bret.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Galesia 4:16

Ina lange? Ngawai pelengon lokono ke umu e pelengon tonari due ngong ngapolou langka upu oul?

Efesus 1:11

Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.

1 Tesalonaika 2:4

E Ida Tapolngon tok imi deka aitno itau ke imi e iye kar imi bokongon ka imanapapra omon itau ke umu. E aitno limi langka imanapapra omon itau ma imodue osep ma aitno lisak itau ke imi kovok. Aurou. Ida Tapolngon wade aitno limi e imawaiki ma aitno itau ke limem bokongon vala.