Aposel 20:1 - Aria New Testament

¹ Osep ari tidardar kla yagos deka Pol gi Yesus ila disaipel ma time tiduni pulu kap iye. E iye kar pelengon itau ke isak ka due aitno lisak dagar. Iye wai ke isak yagos deka iye songon isak e la ke provins Masedonia.

Aposel 20:1 ပူးပေါင်းရင်းမြစ်များ

Aposel 11:26

Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 16:12

Imopolou ke Neapolis deka imosongon sip. E imasala armok tonari e imala imedidi ekreng e imopolou ke armok Filipai ka osep Rom ina tiplaue. Ari Filipai mgo ke armok keniye ka tidong ke provins Masedonia. E imodong ine oklou leklou.

Aposel 16:9

Isak tidong ke Troas deka ke epmes Pol vati ano e gute gesa vri e gi ke iye langane. “Pol omo omlua imi ka provins Masedonia ina.”

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 20:10

E Pol blang duru la polou ke iye deka iye duru munu ke gute ka mete. E limla lelei gute tonari pampamu ine deka wai ke isak langane. “Anmu nesik sakam. Gute ane ano dau dong ine.”

Aposel 20:2

Iye lila ke omur tonari e kar pelengon itau ke osep ka tidong ine ka due aitno lisak dagar e mase iye polou ke omur Grik.

Aposel 20:3

E iye dong ine iding ke taiko eklu. Iye dong ke omur tonari e taiko eklu mela yagos mase iye waiki kli sip ka la ke provins Siria. Alo ari iye klingen osep Yuda ina tilalo pelengon ma tidue burwa ke iye. Deka Pol aitno mter ma iye la ke provins Siria kovok. Aurou. Ma iye bauluk ke provins Masedonia vala.

Aposel 20:37

Tiwai itau yagos deka tikngis ke Pol e tiberber iye.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Pas ka Pol sogoe uti la ke osep Rom ina 16:16

E umu ka Ida Tapolngon ila osep umedidi elio ka umesekan pulu e umawai “oklou itau” pulu. E osep ka pula keniye ka tidong ke Krais ila osua tiwai “oklou itau” ke umu.

1 Korin 16:20

Sudo ka tidong kap imi tiwai “oklou itau” ke umu. E umu ka Yesus ila osep umawai “oklou itau” pulu e umesekan pulu.

1 Korin 16:5

Ma ngala ngavati osep ka tidong ke provins Masedonia paide. Deka mase ngauti ngapolou ke umu.

2 Korin 13:12

Umu ka Ida Tapolngon ila osep umawai “oklou itau” pulu e umesekan pulu. Ida Tapolngon ila osep ka pula keniye ka tidong kap ngong tiwai “oklou itau” ke umu.

2 Korin 7:5

Alo ka imopolou ke provins Masedonia imakaranga imomtong boto kovok. Imopolou e elio soulu bitna bitna tipolou ka opru imi. Osep ka tidong dogur orsak timluk pelengon pulu kap imi e imedigrik e anmi nesik.

1 Tesalonaika 5:26

Alo ka umososon Ida Tapolngon ila osep leklou umawai “oklou itau” ke isak.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.