Aposel 2:46 - Aria New Testament

⁴⁶ Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 2:46 ပူးပေါင်းရင်းမြစ်များ

Matyu 6:22

“Omtomu langka lam ka bublo ke pampamu lumu. Langka omtomu itau are langka esluk bublo ke pampamu lumu.

Luk 11:41

E umakar wan ka dong ke aitno lumu ke osep ka urok wan isuk boto vala e ma wan bitna bitna tipolou eip ke umu.”

Luk 24:30

Alo ka tidong ke bota e tiwaiki tingen Yesus due bret gesa e wai tenkyu ke Ida Tapolngon ine e tuktuke e kare ke isak.

Luk 24:53

E aling aling tidong ke Ida Tapolngon ila ninu e tikakai angaine tito la egim.

Aposel 16:34

E iye paur isak ke ila ninu e tisepe deka iye kere isak ke inarak ngangon. E iye gosok osep keniye ka tidong ke ila ninu aitno lisak neser kesua aitno lisak la dagar ke Ida Tapolngon.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 20:7

E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.

Aposel 3:1

Oklou gesa Pita orwo Jon isak kla ke Ida Tapolngon ila ninu. Ari oklou aling aling langka 3 kilok ke kirui osep Yuda ina tipolou ke Ida Tapolngon ila ninu ma tiwai itau ine.

Aposel 5:21

Kotkotu lokono polou deka osep aposel kla ke Ida Tapolngon ila ninu e tisep ke omur ka lelei ninu deka tinapapra osep ka tidong ine ke Yesus ila omon itau eriar langka ensel wai ke isak ine. Alo ari gute loulou ina ka mgo gosok sisrok tiduni pulu kap osep kaunsil ina e osep Yuda ina urok osep ngongle. Deka tipagei osep ka tiplau Ida Tapolngon ila ninu ke kalabus ma tidue osep aposel e tipaur isak tipolou ke amtarsak.

Aposel 5:42

Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

1 Korin 10:16

Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

Efesus 6:5

Umu ka wokboi nating umoboko lumu bokongon ke elio langane. Umeini upu gute ka plau umu ila pelengon. Umodue anit ke iye e umedidi ila pelengon lokono. Aitno lumu mter ke wan langka upu gute aitno mter ine e umoboko ke ila bokongon eriar langka umoboko ke Krais ila bokongon.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.