Aposel 2:42 - Aria New Testament

⁴² Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 2:42 ပူးပေါင်းရင်းမြစ်များ

Luk 24:30

Alo ka tidong ke bota e tiwaiki tingen Yesus due bret gesa e wai tenkyu ke Ida Tapolngon ine e tuktuke e kare ke isak.

Luk 24:35

Deka osep orwo tonari tipalongo urok ke wan ka polou ke isak alo ka tididi ekreng. E ke elio ka tile iye Yesus alo ka iye tuktuk bret.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 20:11

Deka Pol bauluk tito la ke eliang ka egim blang e iye tuktuk bret kap osep deka tingene. Deka iye dong tauni ke ila pelengon blang la lama kotkotu lokono e iye songon isak e la.

Aposel 20:7

E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.

Aposel 4:23

Alo ka osep tisongon Pita orwo Jon isak kla tipolou ke sisrok e tipalongo urok ke osep loulou ina ka omba e osep ngongle urok pelengon.

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Aposel 6:4

E ke oklou aling aling imi ma imoboko langka imawai itau ke Ida Tapolngon e imanapapra ila pelengon ke osep.”

Pas ka Pol sogoe uti la ke osep Rom ina 12:12

Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.

1 Korin 10:21

Umu ka umeinim Ida Puda ina wan ma umakaranga umeinim angelo soulu inarak wan blang kovok. E umu ka umangen Ida Puda ina wan ma umakaranga umangen angelo soulu inarak wan blang kovok.

1 Korin 11:2

Aling aling omtomu sisir ngong e umedidi parerengen ka ngakare ke umu kodong. Deka ngawai langane. Ke elio ane umodue elio itau lokono.

1 Korin 14:6

Sipmi. Ma umeile umu itau ke pelengon ane. Langka ngame ke umu e ngawai ke umu ke tokples gesa ka umeile ine kovok lange ma ngalua umu? Langka ngawaiki ngalua umu ma ngawai ke umu ke Ida Tapolngon ila pelengon ka iye nis ngong ine koke ngakar ilengen itau ke umu koke nganapapra Ida Tapolngon ila pelengon ke umu koke ngaparere umu.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Filipai 1:5

Aitno lungong neser ke umu batne langane. Ke mgongon lila me ke eknikane umoboko kap ngong ke omon itau ila napaprangan.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 4:2

Aling aling umawai itau ke Ida Tapolngon e umosongon elio tonari polou yagos kovok. Alo ka umawai itau aitno lumu mter itau ke lumu pmingen e umawai tenkyu ke wan ka Ida Tapolngon kare ke umu.

2 Timoti 3:14

Ngawaiki omdong dagar ke Ida Tapolngon ila pelengon ka osep tiparere wom ine e emkise dagar. Kesua emile osep ka tiparere wom ine.

Hibru 10:25

E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 10:39

E ite langka osep ka tipul dogur ke Ida Tapolngon e timina kovok. Aurou. Aitno lite dagar ke Ida Tapolngon e iye lua ite ke udo elio epmes ina.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.