Aposel 2:40 - Aria New Testament

⁴⁰ Pita napapra ke osep ari langane deka iye wai pula blang. Iye daiku ke isak pula langane. “Umu keniye umeile umu itau lama umodong soulu langka osep ka tidong oku ane ka tididi elio soulu.”

Aposel 2:40 ပူးပေါင်းရင်းမြစ်များ

Matyu 12:34

Umu langka mota ka soulu. E ina lange umu ka soulu umakaranga umawai pelengon itau? Lumu pelengon nis osep ke wan ka dong ke aitno lumu.

Matyu 16:4

Osep ka tidong oku ane isak osep soulu e aitno lisak dagar ke Ida Tapolngon kovok e tiwaiki tivati nisngen. E ma tivati nisngen kene ka la ke gute Jona vala.” E Yesus songon isak e la.

Matyu 17:17

E Yesus koli wai ke iye langane. “Umu osep ka umodong oku ane aitno lumu dagar ke Ida Tapolngon kovok e lumu elio soulu. Ma ngadong kap umu tauni? Ngawaiki ngadong kap umu tauni kovok. Ampaur iye ke ngong.”

Matyu 23:33

Umu langka mota ka soulu e langka mota ka soulu titno. Ida Tapolngon ma mulu umu ke omur hel e umakaranga umokos ine kovok.

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Luk 16:28

Kesua ngau saiver elme tidong e ngawaiki iye wai ke isak dagar ma isak blang time ke omur ane ka osep tingangir e tarna lisak doro doro ine kovok.’

Luk 21:36

E aling aling umodong umaplau umu itau e umawai itau ke Ida Tapolngon ma lumu arit dong ma umakaranga umepren ke elio bitna bitna ka ma tipolou. E ma umevri ke Gute Ka Polou Langka Osep bitna.”

Jon 21:25

E dau Yesus due elio pula pula leklou. E langka osep tiwaiki tisogo buk ke elio ka pula keniye ka Yesus due io omur dong ke taklak ka buk ka pula keniye tonari karanga dong ine kovok.

Aposel 10:42

Deka iye kar pelengon ke imi ka iye waiki imanapapra ina basikngen ke osep ka pula keniye. Iye waiki imanapapra ke osep iye tona gute ka Ida Tapolngon rere ma iye wade osep ka tidong e osep ka timete kodong urok elio.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 20:11

Deka Pol bauluk tito la ke eliang ka egim blang e iye tuktuk bret kap osep deka tingene. Deka iye dong tauni ke ila pelengon blang la lama kotkotu lokono e iye songon isak e la.

Aposel 20:2

Iye lila ke omur tonari e kar pelengon itau ke osep ka tidong ine ka due aitno lisak dagar e mase iye polou ke omur Grik.

Aposel 20:21

Nganapapra ke osep Yuda ina e ke osep ka isak osep Yuda ina kovok. Nganapapra langane. ‘Umabauluk aitno lumu ke lumu elio epmes ina deka aitno lumu la ke Ida Tapolngon e aitno lumu la dagar ke Ida Puda Yesus Krais.’

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:17

E Ida Puda wai blang langane. “Umosongon isak e umo-dong mawa ke isak lama umeneklep ke elio soulu. E ma aitno lungong itau ke umu ka lou osep.”

Galesia 5:3

Umu kenmu kenmu ka umosongon osep tidue elio ulangngan ina ke umu ngawaiki ngawai malak ke umu langane. Langka umodue elio langane ma umedidi Moses ila sogongon keniye blang.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Filipai 2:15

Umodue langare kovok ma umu ka Ida Tapolngon titno umu lumu moso-ngon itau e osep tikaranga tisin elio soulu gesa vri ke umu kovok. Umeile umodong airavu ke osep epmes ina e aling aling tidue elio soulu. E umopolou langka bublo-ngon ka nis isak ke elio itau.

1 Tesalonaika 2:11

Umeile imodue elio itau ke umu kenmu kenmu eriar langka gute due ke titno. Imawai pelengon ka sruk aitno lumu e ka due aitno lumu dong itau. E imakar umu pelengon ma umodong itau.

1 Timoti 4:16

Ma amplau wom itau ke lem elio isuk isuk e ke lem bokongon ka amparere osep. Langka omdue langane Ida Tapolngon ma lua wom e iye ma lua osep ka tiklingen lem pelengon.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.