Aposel 2:34 - Aria New Testament

^34-35 “Devit wai langane. ‘Ngau Tapolngon wai ke Ngau Puda langane. Om-dong ke lungu odung la lama ngamole ngap oul keniye deka isak yagos.’” “Devit ila pelengon ane la ke iye tona kovok. Aurou. Alo ka iye mete pampamu ine la munu ke ina denga deka polou okus. Devit pampamu ine tito la ke omur heven e dong ke Ida Tapolngon limla odung kovok. Aurou. Pampamu ine la munu ke ina denga deka polou okus.

Aposel 2:34 ပူးပေါင်းရင်းမြစ်များ

Mak 12:36

Ida Tapolngon Ano Itau due Devit aitno deka Devit tona sogo langane. ‘Ngau Tapolngon wai ke Ngau Puda langane. “Om-dong ke lungu odung. La lama ngamole ngap oul keniye deka kevep munu ke isak ma tini wom.”’”

Jon 3:13

Gute kene vala tito sep ke omur heven. Iye Gute Ka Polou Langka Osep ka oglou iye duru ke omur heven blang.

1 Korin 15:25

Deka Krais ma plau wan ka pula keniye la lama Ida Tapolngon mole Krais ina oul ka pula keniye.

Efesus 1:22

Ida Tapolngon due Krais ila arit polou ombatno lokono deka ila arit mole wan ka pula keniye urok arit. Deka iye plau wan ka pula keniye. Ida Tapolngon due langane ma Krais dong Ida Tapolngon ila osep Inarak Puda.

Hibru 1:13

Oglou Ida Tapolngon wai ke Otno Arang langane. “Omdong ke lungu odung la lama ngadue ngap oul keniye tidong moli ke kevep.” Ida Tapolngon wai langane ke Otno Arang vala e iye wai ke ila ensel gesa langane kovok.