Aposel 2:33 - Aria New Testament

³³ Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:33 ပူးပေါင်းရင်းမြစ်များ

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 24:49

Umoklingen. Oglou Livou wai promis ma iye pagei Ano Itau duru ke umu e isuk boto ma ngapagei iye ke umu. E umodong ke armok ane la lama umodue Ida Tapolngon ila arit.”

Jon 14:16

E ma ngapmi Livou e ma iye pagei Luangan silang ke umu e ma iye dong kap umu aling aling.

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Aposel 1:4

Alo ka iye dau dong kap ila aposel oklou gesa tiduni pulu e iye wai ke isak langane. “Oku ane umosongon armok Jerusalem ko-vok. Umodong itau ine e umapara ke Pmada ila promis ka oglou ngapalongo lumu ine. Deka eknik-ane umodong ke Jerusalem e umapara ke Ano Itau.

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 2:17

Iye sogo langane. ‘Ida Tapolngon wai mase dau tauni deka alo ka pula ane ina yagosngon ma polou. Deka ma ngapagei Anngong duru sep ke osep pula aitno lisak deka ma iye due lumu napakngan ka arang e apmang aitno lisak deka ma tiwai ke elio bitna bitna ma tipolou. Deka ma lumu napakngan ka auram e ka arang ka namormor ma timunu ansak e tivati ansak.

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Galesia 3:14

Ida Tapolngon kar kerengen ke Abraham e iye wai ma kerengen la ke osep ka pula keniye. Deka ke bokongon ka Yesus Krais due kerengen tonari polou ke osep ka pula keniye kodong. Ite ka pula keniye ma aitno lite dagar ke omon itau e ma itodue Ano Itau langka oglou Ida Tapolngon wai promis ine.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 4:8

Osep ka tisogo Ida Tapolngon ila pelengon ka la ke Krais tisogo langane. “Alo ka iye tito la ke omur ka egim iye due osep ka tidong ke kalabus tigosok iye kla. Iye due isak tigosok iye kla deka ari iye kere osep ke ila kerengen ka iye waiki kere isak ine.”

Taitus 3:6

Ida Tapolngon tuktuk Ano Itau karanga ke ite kente kente kesua batne ke Ida Luangan Yesus Krais.

Hibru 10:12

E udo gute loulou ina ka Krais me deka mete aling kene vala e klok udo elio epmes ina dong vala dong. Iye mete deka bauluk tito ke omur heven e dong ke Ida Tapolngon limla odung.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.