Aposel 2:31 - Aria New Testament

³¹ Oglou ari Ida Tapolngon due Devit aitno deka iye wai ke gute Krais ka Ida Tapolngon rere ma iye lua iye ke ila baulukngon. Iye wai ma iye mete deka iye la dong ke omur ka metengen ina kovok e pampamu ine munu ke ina denga e polou okus kovok. Ma Ida Tapolngon bitna sisir iye deka due poga tito ke ina denga.

Aposel 2:31 ပူးပေါင်းရင်းမြစ်များ

Matyu 11:23

E umu osep ke armok Kaperneam aitno lumu mter osep ma tidue anit ke umu ke omur heven i? Aurou. Ma umoduru ke omur hel kesua langka elio arit ina ka ngadue ke lem armok ngadue ke armok Sodom ma armok tonari dau dong eknikane.

Aposel 13:35

Ida Tapolngon ila pele-ngon leklou ka dong ke Buk Song palma silang wai langane. ‘Ma omsongon gute itau kovok e pampamu ine ma polou okus kovok.’” “Pelengon ane la ke Devit kovok. Kesua oglou alo ka gute Devit dong ke taklak iye didi Ida Tapolngon aitno la lama iding ke alo ka iye mete. Iye mete deka osep tiyas iye olwo boto ke ila seia inarak denga deka pampamu ine polou okus.

1 Korin 15:4

E tiyas iye ke ina denga deka oklou eklu mela yagos deka iye poga tito ke ina denga blang. Ane langka oglou Ida Tapolngon ila pelengon wai ine.

Galesia 3:8

Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”