Aposel 2:30 - Aria New Testament

³⁰ Oglou ari Devit iye gute napaprangan ina gesa. E ari Ida Tapolngon due aitno deka iye ile mase dau tauni ma ila napakngan gesa polou ka kasip amune deka vri mgo ke osep Israel ina. Ida Tapolngon kar ila promis kene ke Devit e wai dagar ine batne iye dong.

Aposel 2:30 ပူးပေါင်းရင်းမြစ်များ

Matyu 22:43

E Yesus pmi isak langane. “Deka ina lange Ano Itau due Devit aitno ma Devit sir iye ‘Ngau Puda’? Kesua Devit wai langane.

Matyu 27:35

E alo ka tinilim iye ke ina akai kodong tiuri opmu ka nisngen dong ke isak e tiwade ila klos ine.

Mak 12:36

Ida Tapolngon Ano Itau due Devit aitno deka Devit tona sogo langane. ‘Ngau Tapolngon wai ke Ngau Puda langane. “Om-dong ke lungu odung. La lama ngamole ngap oul keniye deka kevep munu ke isak ma tini wom.”’”

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Aposel 1:16

Deka Pita wai ke isak langane. “Sipmi. Umoklingen lou pelengon ane. Oglou Ano Itau due Devit aitno deka iye sogo ke Judas ila elio ma iye due ke Yesus. Mase Yesus dong deka Judas la mgo ke osep e iye lai Yesus ina eriar langka oglou Devit sogo ine.

Pas ka Pol sogoe uti la ke osep Rom ina 1:3

Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 15:12

E gute Aisaia sogo langane. “Gute ka dong sep ke gute Jesi ila osua ma polou e vri mgo ke osep ka isak osep Yuda ina kovok. E ma tipara ke alo ka iye polou ma iye due elio itau ke isak.”

2 Timoti 2:8

Aitno lugom mter itau ke Yesus Krais. Iye gute Devit ila napakngan gesa e iye mete deka poga tito ke ina denga. Ane omon itau ka nganapapra osep ine.

Hibru 1:1

Ke oglou Ida Tapolngon due osep napaprangan ina tiwai ila pelengon ke udo seia. Iye due langane aling pula e ke elio bitna bitna pula.

Hibru 3:7

E Ano Itau wai langane. “Eknikane umoklingen Upu Tapolngon ila pele-ngon.

Hibru 4:7

E tobor pula mela yagos deka Ida Tapolngon wai blang. Iye due Devit aitno deka iye wai langane. “Eknikane alo ka umo-klingen Ida Tapolngon ila pelengon umopono aitno lumu ine kovok.” Alo ka Devit dong Ida Tapolngon wai ke “eknikane.” E elio ane nis ite Ida Tapolngon rere taim silang ma osep tikaranga tisep ke omur ka timtong ine.

Hibru 6:17

Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Hibru 7:21

E alo ka gute tonari polou gute loulou ina Ida Tapolngon wai dagar ke iye ke iye tona angaine. Iye wai langane. “Ngong ka Ngap Puda ngawai dagar ke wom lang-ane. ‘Wom omdong gute loulou ina dong vala dong e ma ngapalele aitno lungong ine kovok.’”

2 Pita 1:21

Kesua osep napaprangan ina tididi aitno lisak deka tisogo pelengon kovok. Aurou. Ano Itau due aitno lisak deka tiwai Ida Tapolngon ila pelengon.

Pelengon kukwopngon 17:14

E ma tidue evlei ke Sipsip Otno deka Sipsip Otno kap ila osep ma timole isak. Timole isak kesua Sipsip Otno iye Ida Puda ka mole puda ka pula keniye e iye gute ka vri mgo ke omur ka mole osep ka pula keniye ka tivri mgo ke omur omur. E osep ka tididi iye isak osep ka Ida Tapolngon gi isak e rere isak ma aitno lisak dong dagar ke iye.

Pelengon kukwopngon 19:16

E ngavati sogongon dong ke ila molo ka alang e ke eser ine. Sogongon tonari angaine silang ka langane. Gute Ka Vri Mgo Ka Plau Osep Ka Pula Keniye Ka Tivri Mgo Ke Omur Omur e Ida Puda Ka Plau Osep Inarak Puda Ka Pula Keniye.