Aposel 2:23 - Aria New Testament

²³ Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 2:23 ပူးပေါင်းရင်းမြစ်များ

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 26:24

Osep ma tidue burwa ke Gute Ka Polou Langka Osep eriar langka Ida Tapolngon ila pelengon wai ine e aisudo ke gute ka lai iye ina. Wan ka itau tna divir iye kovok.”

Matyu 27:35

E alo ka tinilim iye ke ina akai kodong tiuri opmu ka nisngen dong ke isak e tiwade ila klos ine.

Mak 15:24

Deka tinilim kamla e limla ke ina akai deka iye mana ine. Deka tikole ke opmu ka daudeng boto ka nisngen dong ke isak. Tidue elio langane ma tiwade ila klos ine. Deka gute ka mole sisrok ine didi aitno ke Yesus ila klos kene ka iye waiki due deka due. Tidue elio langane e tiwade Yesus ila klos keniye ine.

Luk 22:22

Lokono. Gute Ka Polou Langka Osep ma didi ekreng ka didi Ida Tapolngon aitno e aisudo ke gute ka lai iye ina.”

Luk 22:37

Kesua oglou gute napaprangan ina gesa sogo ke elio ka ma polou ke ngong langane. ‘Osep tivati iye langka iye gute soulu bitna.’ E ngawai langane. Sogongon tonari ka me ke ngong isuk boto ma polou lokono.”

Luk 23:33

Alo ka tipolou ke omur ka tisire omur ka baraine erine tinilim Yesus ke ina akai e tinilim gute soulu bitna kene ke galna gala e tinilim gute soulu bitna silang ke galna odung.

Luk 24:20

Osep loulou ina ka omba e udo osep kaunsil ina tikar iye ke osep Rom ina limsak ma tiwai iye mete deka tinilim iye ka ina akai e iye mete.

Jon 19:18

Ke omur are tinilim iye mana ke ina akai e tinilim osep arang orwo kap iye. Tinilim gute kene ke ina akai ke limla odung e gute silang ke ina akai ke limla gala. E Yesus dong airavu ke isak orwo.

Jon 19:24

E tiwai pulu langane. “Ma itotrum siot ane kovok e itouri opmu daudeng ka nisngen dong ine ma iteile sei due ila siot.” Tidue langane ma Ida Tapolngon ila pelengon palma ka oglou gute napaprangan ina gesa sogoe polou lokono. Iye sogo langane. “Tiwade pulu ke lou klos e tiuri opmu daudeng ka nisngen dong ine ma tile sei ma due lou siot.”

Aposel 13:27

Oglou osep ka tidong ke Jerusalem tigosok osep ngongle tile omur ke osep napaprangan ina urok sogongon lana ine kovok. Sabat aling aling tiritim sogongon tonari e tile lana ine kovok. Lama tile ine kovok urok elio ka tisin elio vri ke Yesus didi osep napaprangan ina urok sogongon. Deka sogongon tonari polou lokono.

Aposel 15:18

Ida Puda wai pelengon tonari kodong e due osep tile ine oglou lila me kodong.’”

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.

Aposel 4:28

Tiduni pulu e tidue elio bitna bitna ka oglou emrere ma tipolou ke iye.

Aposel 5:28

“Oglou imadangdang umu ma umanapapra osep ke Yesus kovok e eknikane talapmu klingen limem pelengon kovok. Umanapapra pula ine deka osep Jerusalem ina pula tiklingen ine. Ina lange umodue elio langane? Umawaiki osep pula aitno lisak mter gute tonari ina metengen batne dong ke imi? Aitno lumu langane i?”

Aposel 5:30

Oglou umodue agegeng ke Yesus e umenilim kamla e limla ke ina akai deka iye mana ine e mete. Iye mete deka udo seia Inarak Tapolngon ila arit due Yesus poga tito ke ina denga.

Aposel 7:52

Oglou lumu seia tidue agegeng ke osep napaprangan ina keniye. Tidue burwa ke osep tonari ka oglou tinapapra ke isak ke gute ka ila elio itau lokono ka ma me. Mase gute tonari me ke umu e umalai iye ina e umodue burwa ke iye.

Pas ka Pol sogoe uti la ke osep Rom ina 2:12

Osep ka tile Moses ila sogongon kovok tidue elio soulu pula e timete ke elio epmes ina. E osep Israel ina tile Moses ila sogongon. Lama tile ine isak dau tidue elio soulu vala. Deka Ida Tapolngon ma wade urok elio keniye kap Moses ila sogongon.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

1 Tesalonaika 2:15

Oglou osep Yuda ina timluk osep napaprangan ina ma timete kodong e silang blang timluk Ida Puda Yesus ma iye mete kodong blang. E tisapir imi ke omur tonari. E aling aling aitno lisak engil ke osep deka Ida Tapolngon aitno soulu lokono ke isak.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.