Aposel 2:22 - Aria New Testament

²² Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Aposel 2:22 ပူးပေါင်းရင်းမြစ်များ

Matyu 12:28

E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Luk 11:20

E langka ngadidi Ida Tapolngon ila arit e ngasapir angelo soulu deka elio are nisngen ke umu langane. Omur ka Ida Tapolngon plaue polou olwo boto ke umu kodong.”

Luk 18:37

E osep tiwai ke iye langane. “Yesus ka Nasaret ina lila la.”

Luk 24:18

E gute kene ke isak ka angaine Kliopas koli wai langane. “Wom gute kaulei ke Jerusalem e wom kene vala emile elio ka polou ke armok ane oku ane kovok i?”

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 10:37

Langka ngadue Livou ila bokongon kovok deka aitno lumu la dagar ke ngong kovok.

Jon 11:47

Deka osep loulou ina ka omba e osep Farisi ina tidue osep kaunsil ina tiduni pulu e tiwai ke isak langane. “Ma itodue sua kesua gute are due elio arit ina ka nisngen pula?

Jon 12:17

Osep pula pula ka tidong kap iye alo ka iye gi ke Lasarus e due poga tito ke ina denga tipalongo osep ke elio ane.

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 19:19

E Pailat sogo pelengon e tipoue ke Yesus ina akai e pelengon tonari langane. “Gute ane Yesus ka Nasaret ina ka iye gute ka vri mgo ke osep Yuda ina.”

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 4:48

E Yesus wai ke iye langane. “Langka umavati elio arit ina ka nisngen kovok ma aitno lumu la dagar ke Ida Tapolngon kovok.”

Jon 5:36

“E wan ka mole pelengon ka Jon wai ine palongo osep ke ngong. Kesua bokongon ka Livou kare ke ngong ma ngadue io bokongon tonari palongo osep ke elio ka Livou pagei ngong ngame.

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Jon 7:31

E osep pula ka tidong are aitno lisak la dagar ke iye. E tiwai langane. “Alo ka gute Krais me ma iye due elio arit ina ka nisngen ka mole wan ka gute ane due koke aurou?”

Jon 9:33

Langka Ida Tapolngon pagei gute are me kovok iye karanga due wan gesa kovok.”

Aposel 13:16

Deka Pol tito vri e kamudu isak deka wai langane. “Umu ka osep Israel ina e umu ka osep Israel ina kovok ka aitno lumu la ke Ida Tapolngon umoklingen lou pelengon.

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Aposel 2:19

Deka ma ngadue nisngen ke omur ka egim e ke omur ka moli deka ma umavati nisngen langka eiou e langka marau e langka eiou asuine omba.

Aposel 2:43

Alo ari osep aposel tidue elio arit ina pula e osep keniye ka tivati tidigrik ine.

Aposel 21:28

E tidaiku dagar lokono langane. “Osep Israel ina umolua imi. Gute ane parere osep ka pula keniye ka tidong ke omur omur ke ite. Iye wai soulu ke ite e ke Moses ila sogongon e ke Ida Tapolngon ila ninu ane. Silang blang iye paur osep Grik ina tisep ke Ida Tapolngon ila ninu ane e tidue omur ane ka itau lokono polou soulu.”

Aposel 22:8

Deka nga-koli ngawai langane. ‘Ngau Puda wom sei?’ E gute tonari wai langane. ‘Ngong Yesus ka Nasaret ina ka omdue agegeng ke ngong.’

Aposel 24:5

Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.

Aposel 26:26

E silang blang gute ka vri mgo Agripa ile omur ke pelengon ka ngawai ine kodong. Ngawai malak ine kesua ngaile omur iye ile ine kodong. Kesua elio ka ngawai ine polou kukwop kovok.”

Aposel 26:9

“Oglou aitno lungong mter langka ngadue elio ka pes Yesus ka Nasaret ina angaine deka lou elio itau.

Aposel 3:12

Pita vati osep tonari deka ile omur tidigrik deka iye wai ke isak langane. “Umu osep Israel ina ina lange umedigrik ke elio ane? Ina lange omtomu nekek dagar ke imi? Aitno lumu lange? Aitno lumu mter elio ka gute ane lila ina poloungon batne limem arit koke limem elio itau koke lange?”

Aposel 3:6

Deka Pita wai langane. “Oka. Lou mani dong ke ngong kovok e wan ka dong ke ngong ma ngalua wom ine. Eknikane Yesus Krais ka Nasaret ina ila arit due wom ma emtito emlila.”

Aposel 4:10

Ma ngapalongo lumu umogosok osep Yuda ina ka pula keniye ma umeile omur ke elio ane ina poloungon batne. Gute Yesus ila arit due gute ane kamla polou itau blang. Oglou umenilim Yesus kamla e limla ke ina akai deka iye mana ine e mete. Deka osep tipaur pampamu ine la munu ke ina denga. Mase Ida Tapolngon didi ila arit e due poga tito ke ina denga. Deka eknikane gute ka umavati ane iye vri ane batne ke Yesus Krais ka Nasaret ina ila arit due kamla polou itau blang.

Aposel 5:35

Isak kla ke dogur deka Gamaliel wai ke iye sisrok langane. “Umu osep Israel ina umeile umu itau lama umodue elio soulu ke osep are.

Aposel 6:14

Imeklingen iye wai langane. ‘Ma Yesus ka Nasaret ina dar Ida Tapolngon ila ninu ane e ma iye kar ite apu oku ina ka kasip udo apu ka oglou Moses kar isak ke ite.’”

2 Korin 12:12

Oglou alo ka ngadong kap umu ngadue wan pula ka nis umu ngong gute aposel lokono. Ngadong dagar ke lou bokongon e ngadue elio arit ina e elio bitna bitna ka osep tikaranga tidue kovok.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.