Aposel 2:17 - Aria New Testament

¹⁷ Iye sogo langane. ‘Ida Tapolngon wai mase dau tauni deka alo ka pula ane ina yagosngon ma polou. Deka ma ngapagei Anngong duru sep ke osep pula aitno lisak deka ma iye due lumu napakngan ka arang e apmang aitno lisak deka ma tiwai ke elio bitna bitna ma tipolou. Deka ma lumu napakngan ka auram e ka arang ka namormor ma timunu ansak e tivati ansak.

Aposel 2:17 ပူးပေါင်းရင်းမြစ်များ

Luk 3:6

Ma osep ka pula keniye tivati elio ka Ida Tapolngon due ma iye lua osep ke urok elio epmes ina.’”

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 7:39

Yesus ila pelengon tonari lana ine langane. Iye wai ke Ano Itau ka mase ma dong ke osep ka aitno lisak la dagar ke iye. E alo ari Ano Itau me dong ke osep aitno lisak dau kovok. Kesua Ida Tapolngon dau due Yesus tito la ke omur heven e due angaine omba e itau lokono kovok.

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 11:27

Alo ari osep napaprangan ina leklou tisongon Jerusalem e tiduru ke Antiok.

Aposel 11:28

Gute napapra-ngan ina kene angaine Agabus. Ano Itau due aitno deka iye vri e wai sapanga ombatno ma polou ke omur ka pula keniye. Mase sapanga ombatno ka iye wai ine polou alo ka gute Klodius vri mgo ke omur ari.

Aposel 2:16

Elio ka polou ane eriar langka oglou ari gute napaprangan ina Joel sogo ke Ida Tapolngon ila pelengon palma.

Aposel 2:18

Deka ma An­-ngong dong ke osep keniye ka aitno lisak dagar ke ngong. Elio ane ma la ke osep arang e apmang. Ma Anngong dong ke aitno lisak deka due isak ma tiwai ke elio bitna bitna ma tipolou.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 21:9

E titopmang belbela apanal tidong. Apmang apanal tonari tinapapra Ida Tapolngon ila pelengon langka osep napaprangan ina.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

1 Korin 12:10

E gute silang due arit ma iye due elio arit ina ine. E Ano Itau kere gute silang ma iye napapra Ida Tapolngon ila pelengon ke osep. E gute silang due ilengen ma wade langka kerengen gesa polou ke Ano Itau koke aurou. E gute silang due ilengen ma iye wai tokples ka iye ile ine kovok. E gute silang due ilengen ma iye bauluk tokples tonari.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Jems 5:3

Lumu mani ka gol e silva polou ros kodong. E alo ka Ida Tapolngon wade lumu elio deka ros tonari dong langka nisngen langane. Aitno lumu vri ke mani tonari vala. Deka umanamani lumu elio soulu tonari langka eiou ngen umu. Isuk boto wan ka pula keniye yagos e umu dau umogom lumu brokngon.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.