Aposel 19:34 - Aria New Testament

³⁴ E osep ari tivati iye gute Yuda ina deka isak keniye tidaiku langka kre lisak kene vala langane. “Ite Efesus ina ida tapolngon Artemis angaine dong egim lokono.” Tidue elio langane iding ke aua orwo.

Aposel 19:34 ပူးပေါင်းရင်းမြစ်များ

Matyu 6:7

Alo ka umawai itau ke Ida Tapolngon umawai alang e adai sakam. Osep ka isak osep Yuda ina kovok tidue langane kesua aitno lisak mter langka tiwai alang deka Ida Tapolngon ma klingen isak.

Aposel 16:20

Tipaur Pol e Sailas ke osep ka tiplau armok amtarsak deka tiwai langane. “Umoklingen. Osep Yuda ina ane tisruk osep matamur aitno lisak.

Aposel 19:24

Ari gute kene dong ka angaine Demitrius. Iye gute ka boko ke opmu silva e due ninu ka daudeng boto langka inarak tapolngon ka angaine Artemis ila ninu. Ari iye plau osep leklou ka tiboko eriar langka iye boko. E urok mani polou pula batne ke urok bokongon.

Aposel 19:26

E eknikane gute Pol wai pula ke udo bokongon langane. ‘Tapolngon ka osep tiboko ine isak tapolngon yakngan vala.’ E osep pula ka tidong ke Efesus e ka tidong ke provins Esia aitno lisak la dagar ke Pol ila pelengon kodong eriar langka umoklingen ine e umavati.

Aposel 19:28

Osep ka tiduni pulu kap Demitrius tiklingen ila pelengon e aitno lisak nevlik amnga lokono deka tiwai dagar lokono langane. “Ite Efesus ina ida tapolngon Artemis angaine dong egim lokono.”

Aposel 19:33

Deka osep Yuda ina tisodung gute Aleksander polou ke osep amtarsak e iye kamadu isak e waiki kar pelengon gesa ke isak.

Aposel 19:35

E gute kene ke osep ka tiplau armok tonari polou ke osep amtarsak e taka isak ma tiwai kovok. Deka iye wai ke isak langane. “Umu osep Efesus ina umoklingen. Osep ka pula keniye tile omur ite osep Efesus ina itaplau ida tapolngon Artemis ila ninu e ila opmu ka oglou duru ke omur ka egim koke aurou?

Pas ka Pol sogoe uti la ke osep Rom ina 2:22

E silang umawai ke osep langane. “Osep umodue okwa sakam.” E umu tona umodue okwa. E silang blang langane. Umawai ke osep ka aitno lisak dagar ke sapingen bitna bitna isak tidue elio soulu lokono. E umu tona umapanako wan bitna bitna ke sapingen urok ninu.

Pelengon kukwopngon 13:4

Osep ka pula keniye tile mota ombatno kar ila arit ke ongwa kevena deka tilotuim mota tonari. E tilotuim ongwa kevena blang e tiwai langane. “Sei dong langka ongwa kevena e sei karanga due evlei kap iye e mole iye?”