Aposel 19:19 - Aria New Testament

¹⁹ E osep leklou ka oglou isak borou timla tipaur urok buk ka borou ina ke osep pula amtarsak e tibik isak e eiou ngen isak. E titik urok buk keniye tonari inarak klingen ke mani silva e ina sasa polou langka 50,000.

Aposel 19:19 ပူးပေါင်းရင်းမြစ်များ

Luk 14:33

E lang­ane ke umu blang. Langka umosongon lumu wan keniye kovok umakaranga umodong lou disaipel kovok.”

Luk 15:8

“E silang blang langane. Langka apmang ila mani silva songotno dong e kene imina la. Ma iye due sua? Ma iye bik lam e gir ninu aitno e krim mani tonari itau la lama iye padoe i?

Aposel 13:6

Tilila ke aidunu Saiprus la lama tipolou ke armok Pafos. Deka ari tisoson gute Yuda ina ka gute borou timla. Gute tonari angaine Barjisas e iye gute napaprangan yakngan ina.

Aposel 13:8

E gute borou timla tonari waiki dangdang urok pelengon lama Sergius Paulus aitno la dagar ine. Ke pelengon Grik gute borou timla angaine Elimas.

Aposel 19:18

E osep pula ka aitno lisak dagar ke Yesus tipolou ke osep pula amtarsak e tiwai malak ke urok elio epmes ina bitna bitna e tibisi ine kovok.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.