Aposel 19:17 - Aria New Testament

¹⁷ Elio ane polou deka osep Yuda ina keniye e osep Grik ina keniye ka tidong ke Efesus tiklingen ila omon e tilim pula ine. Deka tikakai Ida Puda Yesus angaine tito la egim.

Aposel 19:17 ပူးပေါင်းရင်းမြစ်များ

Luk 1:65

Osep ka tidong olwo boto ke iye tilim ine ke elio ane osep ke omur ka gigri gigri ke omur Judia tiwai pulu ke wan ka polou.

Luk 7:16

E osep keniye tiulou tarna lisak e tikakai Ida Tapolngon angaine tito e tiwai langane. “Gute napaprangan ina ka angaine omba polou airavu ke ite.” E tiwai silang blang langane. “Ida Tapolngon me ma iye lua ila osep kodong.”

Aposel 13:12

Alo ka Sergius Paulus ka vri mgo ke omur are vati elio ane aitno la dagar ke Ida Puda. Deka aitno mter pula ke ila pelengon.

Aposel 18:19

Ari tisongon Senkria deka isak kla tipolou ke armok Efesus. Deka Pol songon isak e iye la sep ke osep Yuda ina urok duningen ina ninu ka dong ke armok tonari. E iye wai pula kap osep Yuda ina ka tidong ke duningen ina ninu tonari.

Aposel 18:21

Mase iye songon isak e wai ke isak langane. “Langka Ida Tapolngon waiki ngabauluk ke umu blang ma ngabauluk ke umu. E langka aurou ma ngabauluk kovok.” Deka iye sep ke sip e sip songon Efesus la.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Aposel 19:16

Deka gute ka angelo soulu dong ke iye due evlei e mluk osep lumorwo tonari. Iye mluk isak pula e mole isak deka tiulou kla e isak albus isak e tarna lisak marau.

Aposel 19:18

E osep pula ka aitno lisak dagar ke Yesus tipolou ke osep pula amtarsak e tiwai malak ke urok elio epmes ina bitna bitna e tibisi ine kovok.

Aposel 2:43

Alo ari osep aposel tidue elio arit ina pula e osep keniye ka tivati tidigrik ine.

Aposel 5:11

Deka osep keniye ka tiklingen ke elio ane ansak nesik omba.

Aposel 5:13

Osep ka pula keniye tidue anit ke Ida Tapolngon ila osep dau osep epmes ina leklou tiulou tarna lisak e tineklep ke osep ka oglou aitno lisak dagar ke Yesus kodong kovok. Ari osep arang e apmang pula tisongon urok elio epmes ina deka aitno lisak la dagar ke Yesus e tineklep ke osep ka oglou aitno lisak dagar ke Yesus e inarak sasa res polou pula.

Aposel 5:5

Ananaias klingen Pita ila pelengon deka lokono iye gene e mete. Iye mete kodong deka osep auram leklou tipolou ke iye e tidue pampamu ine e tidugume deka tikalke la ke dogur e tiyase. Alo ari osep ka tiklingen ke elio ka polou ke Ananaias ansak nesik omba ine.

Filipai 1:20

Deka lana lungong omba ma ngadue wan ka osuk vala e ngadue wan gesa ka mnak ngong ine kovok. Aurou. Aitno lungong mter langane. Eknikane e mase blang ngadong dagar e ngadue elio itau vala. Deka langka ngadong koke ngamete kodong ngawaiki wan keniye ka ngadue kakai Krais angaine tito la egim.

2 Tesalonaika 1:12

Alo ka umodue elio langane umakakai Ida Puda Yesus angaine tito la egim. Deka Ida Tapolngon e Ida Puda Yesus Krais urok makaingan la ke umu e due angainmu tito la egim blang.

2 Tesalonaika 3:1

Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.