Aposel 19:11 - Aria New Testament

¹¹ Ari Ida Tapolngon lua Pol e iye due elio arit ina bitna bitna pula langka oglou osep tivati kovok.

Aposel 19:11 ပူးပေါင်းရင်းမြစ်များ

Jon 14:12

“Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 16:18

Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Aposel 5:12

Alo ari osep ka aitno lisak dagar ke Yesus tiduni pulu ke opos ka osep tisire Solomon ila opos. Deka ari osep aposel tidue elio arit ina ka nisngen pula ke osep amtarsak.

Aposel 8:13

Saimon aitno dagar ke Filip ila pelengon deka tipaunim iye blang. Tipaunim iye yagos deka iye lila kap Filip e vati elio arit ina bitna bitna ka Filip due e aitno mter pula ine.

Galesia 3:5

Ida Tapolngon kar Ano Itau ke umu e iye due elio arit ina airavu ke umu. Ina lange iye kar Ano Itau ke umu? Aitno mter langka umedidi Moses ila sogongon deka iye due langane? Aurou. Umoklingen omon itau e aitno lumu la dagar ine deka iye kar Ano Itau ke umu.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.