Aposel 18:22 - Aria New Testament

²² Mase sip tonari polou ke armok Sisaria e dong. E Pol songon sip e iye tito la ke Jerusalem e polou ke Ida Tapolngon ila osep e wai “oklou itau” ke isak. Mase iye songon Jerusalem e la duru polou ke Antiok.

Aposel 18:22 ပူးပေါင်းရင်းမြစ်များ

Aposel 10:1

Ari gute gesa dong ke armok Sisaria ka angaine Kornilius. Iye plau osep ola ina buno kene ka tisir isak osep ola ina ka omur Itali ina.

Aposel 10:24

Osep keniye kla e tididi ekreng la lama epmes deka timunu kudung ke ekreng. Timunu kudung ke ekreng la lama kotkotu lokono deka tinogrum kla deka tipolou ke Sisaria e tisepe. Ari Kornilius gi sisrok ma tigosok ila osua time tiduni pulu ke ila ninu kodong. Tidong ine kesua tipara ke Pita gosok sisrok.

Aposel 11:11

Deka lokono osep arang eklu tipolou ke ninu ka imodong ine. Gute gesa ka dong ke armok Sisaria pagei isak time ke ngong.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 14:26

Mase tidue sip e tisongon Atalia e isak kla tipolou ke Antiok. Oglou alo ka isak dau tidong ke Antiok ari Ida Tapolngon rere isak ma tiboko ke ila bokongon. Ari osep Kristen tipmi Ida Tapol-ngon ma iye lua isak ke urok bokongon ka oku ane tidue kodong.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:30

Ida Tapolngon ila osep tipagei Pol e Barnabas tigosok sisrok e tisongon Jerusalem e tibauluk kla ke Antiok. Tipolou ine deka tiduni pulu kap Ida Tapolngon ila osep e tikar isak pas ka tikalke.

Aposel 15:35

Ari Pol orwo Barnabas dau tidong ke Antiok deka tigosok osep pula tiparere osep e tinapapra Ida Puda ila pelengon.

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 23:23

Deka gute plaungan ina ka mgo gi osep orwo ka isak kensak tiplau osep ola ina buno kene e palongo urok langane. “Umodue osep ola ina buno orwo e osep iselme isorwo ka titito kla kap hos e osep buno orwo blang ka tikalke ola. E umekere lumu wan deka ke epmes langka 9 kilok ma umala umoduru ke Sisaria.

Aposel 25:1

Deka Festus me polou e dong ke omur are. Iye dong ke Sisaria oklou eklu deka iye tito la ke Jerusalem.

Aposel 25:9

Festus klingen Pol ila pelengon e waiki lua osep Yuda ina kesua iye waiki aitno lisak itau ke iye. Deka iye pmi Pol langane. “Aitno lugom lange? Ma itetito itala ke Jerusalem ma ngawade wom ke sinngen elio ka osep Yuda ina tisin isak tivri ke wom ke armok are koke aurou?”

Aposel 8:40

E suong lokono Filip polou ke armok Asdot. Ari iye lila napapra Yesus ila omon itau ke armok keniye la lama mase iye polou ke armok Sisaria.