Aposel 18:21 - Aria New Testament

²¹ Mase iye songon isak e wai ke isak langane. “Langka Ida Tapolngon waiki ngabauluk ke umu blang ma ngabauluk ke umu. E langka aurou ma ngabauluk kovok.” Deka iye sep ke sip e sip songon Efesus la.

Aposel 18:21 ပူးပေါင်းရင်းမြစ်များ

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Mak 6:46

Iye pagei osep tonari kla deka iye la ke omur ka gigri gigri kesua iye waiki wai itau ke Ida Tapolngon ine.

Luk 9:61

E gute silang wai ke iye langane. “Puda ma ngadidi wom e dau mgo omsongon ngong ma ngala ngavati lou osua.”

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

Aposel 18:19

Ari tisongon Senkria deka isak kla tipolou ke armok Efesus. Deka Pol songon isak e iye la sep ke osep Yuda ina urok duningen ina ninu ka dong ke armok tonari. E iye wai pula kap osep Yuda ina ka tidong ke duningen ina ninu tonari.

Aposel 18:20

Osep tiklingen Pol ila pelengon e tiwaiki ma iye dong dau tauni kap isak e Pol koli wai langane. “Aurou. Ma ngala vala.”

Aposel 18:24

Alo ari gute gesa ka angaine Apolos la polou ke Efesus. Iye gute Yuda ina gesa ka ila armok batne armok Aleksandria. Iye gute ka wai pelengon itau e ile omur ke Ida Tapolngon ila pelengon.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Aposel 19:17

Elio ane polou deka osep Yuda ina keniye e osep Grik ina keniye ka tidong ke Efesus tiklingen ila omon e tilim pula ine. Deka tikakai Ida Puda Yesus angaine tito la egim.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 20:16

Oglou Pol aitno mter ma iye la lelei Efesus. Iye waiki dong ke Esia kovok kesua iye waiki suong polou ke Jerusalem. Ma iye dong ari alo ka tidue rogo ka osep Yuda ina tisire Pentikos.

Aposel 21:14

Pol wai dagar langane deka imeile limem pelengon mter aitno kovok. E imawai langane. “Aurou. Emdidi Ida Puda aitno vala.”

Aposel 21:29

Tiwai langane kesua oglou tivati gute Trofimus ka iye gute Efesus ina dong ke Jerusalem e lila kap Pol. E aitno lisak mter Pol paure ke Ida Tapolngon ila ninu.

Pas ka Pol sogoe uti la ke osep Rom ina 15:32

E langka Ida Tapolngon waiki lua ngong langane ma aitno lungong itau lokono ine e ngauti ngavati umu. Deka ma ngamtong sasi boto kap umu e aitno lungong itau ine blang.

1 Korin 15:32

Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

1 Korin 16:7

Ngawaiki ma ngadong sasi boto kap umu vala kovok. Langka Ida Puda waiki ngadong tauni boto kap umu ma ngadong kap umu.

1 Korin 16:8

E ngawaiki ma ngadong ke armok Efesus la lama oklou Pentikos yagos.

1 Korin 4:19

E langane kovok. Langka Ida Puda waiki ngauti ke umu ma ngauti paide ke umu. Alo ka ngauti ma ngaklingen osep tonari ka aitno lisak vri ke isak urok pelengon kovok. Aurou. Ngauti ma ngaile omur urok arit lange.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Hibru 6:3

Deka langane. Langka Ida Tapolngon songon imi ma imawai ke umu ke ila pelengon ka dagar vala.

Jems 4:15

E wan ka itau umawai langane. “Langka Ida Puda waiki imodong e imodue wan bitna bitna deka imodong e imodue wan tonari.”

1 Pita 3:17

Langka Ida Tapolngon waiki umanamani agegeng lama umodue elio itau are wan gesa kovok. E elio langane mole elio ka umanamani agegeng langka umodue elio soulu.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 2:1

Gute tonari wai langane. “Omsogo pelengon ke ensel ka dong ke sios ke Efesus. Pelengon tonari langane. Gute ka kis gigimo lumorwo ke limla odung e lila airavu ke wan lumorwo ka lam tidong ine ka tidue ke gol wai langane.